NFTE BSNL THANJAVUR SSA

உச்சநீதிமன்ற தீர்ப்பு

2012-02-04T17:32:00.000+05:30

உயர்வான உச்சநீதிமன்ற தீர்ப்பு

2 G ஸ்பெக்ட்ரம் ஏலத்தில் முறைகேடாக ஏலம் எடுத்து தொலைதொடர்பு இலாக்காவுக்கு மிகப்பெரிய நஷ்டத்தை ஏற்ப்படுத்திய தனியார் கம்பெனிகளின் உரிமம் உச்ச நீதிமன்றத்தால் ரத்து செய்யப்பட்டுள்ளது. 50 லட்சத்திலிருந்து 5 கோடி வரை 122 நிறுவனங்களுக்கு அபராதம் விதிக்கப்பட்டுள்ளது.

இவ்வளவுக்குப் பிறகும் நமது பிரதமர் அவர்கள், இதனால் வெளிநாட்டு முதலீடு பாதிக்கும் அபாயம், அது, இது என்று அங்கலாய்த்து மத்திய அரசின் சார்பில் மேல் முறையீடு செய்ய முயற்சிக்கிறார் என்ற செய்தியைக் காணும் போது பெரிதும் வேதனைப்படுகிறோம். இவர்களை நாம் என்ன செய்ய?

உரிமம் ரத்து செய்யப்படவிருக்கும் 122 கம்பெனிகளைச் சார்ந்த செல் சேவை பெரும் வாடிக்கையாளர்களை MNP மூலம் நமது BSNL -ல் இணைக்கும் பணியில் ஈடுபடுவோம்.

வெளிப்படையான பில்லிங் சிஸ்டம், நேர்மையான கட்டண விகிதம் அதோடு மக்களின் நம்பிக்கைக்குப் பாத்திரமான நமது BSNL ல் அந்த வாடிக்கையாளர்கள் மாறிட மக்களைச் சந்திப்போம். அனைத்து CSC க்களிலும் தட்டி வைத்து விளம்பரப்படுத்துவோம்.

எஸ். சிவசிதம்பரம்,

பட்டுக்கோட்டை.

சொசைட்டி செய்திகள்

2012-02-04T11:54:00.002+05:30

சொசைட்டி செய்திகள்

ஏற்கெனவே நாம் நம் வலைதளத்தில் அறிவித்தது போல் நிலம் வாங்குவதற்கான விண்ணப்ப படிவ மாதிரி சொசைட்டி வெப்சைட்டில் சில காரணங்களால் போடப்படவில்லை. தற்போது அந்த விண்ணப்பக் கடிதம் அருகாமையில் உள்ள சொசைட்டி கிளை அலுவலகங்களில் உறுப்பினர்களுக்கு வழங்கப்படுகிறது. ஒரு படிவம் 10 ரூபாய் விலையில் வழங்கப்படுகிறது. ஒருவரே எத்தனை படிவம் வேண்டுமானாலும் வாங்கிச் செல்லலாம். அதேபோல் ஒருவரே பூர்த்தி செய்த படிவங்களையும் மொத்தமாக எடுத்துச் சென்று கொடுத்து, அனைத்து படிவத்திற்கும், அலுவலரிடம் கையெழுத்து பெற்று acknowledgement வாங்கி வரலாம்.

படிவம் வாங்காதவர்கள் உடன் வாங்கிச் செல்லவும்.

படிவம் வாங்கியவர்கள் உடன் பூர்த்தி செய்து அனுப்பவும்.

பூர்த்தி செய்து படிவம் கொடுத்து acknowledgement பெற்றவர்கள்

அதைப் பத்திரமாக வைத்திருக்கவும்.

இவை எல்லாவற்றையும் முடித்தவர்கள் இந்த விபரங்களை

தெளிவாக மற்றவர்களுக்கு எடுத்துச் சொல்லவும்.

மீண்டும் நிலம் பற்றி: 95 ஏக்கர் நிலம் சொசைட்டியின் சொத்து. இன்று அந்த நிலத்தை சொசைட்டி உறுப்பினர்களிடம் முறையான விலையில் விற்று அந்தத் தொகை சொசைட்டியில் வரவு வைக்கப்படும். சொசைட்டி அந்தத் தொகையால் நிலம் வாங்குவதற்காகப் பெறப்பட்ட தொகையை வட்டியுடன் சேர்த்து அடைக்கும். மீதமுள்ள தொகையை உறுப்பினர்களுக்கு கடன் வழங்க பயன்படுத்தும்.

குலுக்கல் முறையில் தேர்ந்தெடுக்கப்பட்டவர்கள் உரிய காலத்தில் லட்சக்கணக்கில் தங்களது சொந்தப் பணத்தைக் கொடுத்து வாங்கி நிலத்தை குறித்தக் காலக் கெடுவுக்குள் ரிஜிஸ்தர் செய்து கொள்ள வேண்டும்.

குலுக்கலில் பெயர் வராதவர்கள் பேசாமல் போக வேண்டியதுதான். அவர்களுக்கு எந்த பங்கும் ( SHARE ) சொசைட்டியிலிருந்து கிடையாது.
இதில் தலைவர், இயக்குனர்கள் மற்றும் RGB க்கள் எவருக்கும் யாதொருவிதமான முன்னுரிமையோ பின்னுரிமையோ கிடையாது. எல்லோரும் ஓர் நிலைதான்.

சொசைட்டி அதிக அளவிலான கடனை உறுப்பினர்களுக்கு வங்கியிலிருந்து கடன் வாங்கித்தான் நமக்கு அளிக்கிறது. அதிலிருந்து வரும் லாபத்தை விதிக்குட்பட்டு அதிக பட்ச அளவான 12 சதவீதத்தை டிவிடெண்டாக நமக்கு ஆண்டு தோறும் வழங்குகிறது. இப்போது நமக்கு கடனுக்கான வட்டியை குறைத்திடவும், THRIFT FUND க்கான வட்டியை உயர்த்திடவும் முயற்சித்து வருகிறது.

உறுப்பினர்களிடையே பல கற்பனைகள் ( கருத்துகள் ) நிலவுகின்ற காரணத்தினால்தான் இந்த விளக்கம்.

அன்புடன்,

எஸ். சிவசிதம்பரம்,

RGB, பட்டுக்கோட்டை.

2012-01-29T21:12:00.002+05:30

சொசைட்டி செய்திகள்

2012-01-28T13:36:00.004+05:30

சொசைட்டி செய்திகள்

கடந்த 24 - 01 - 2012 அன்று 87 ஆவது ஆண்டு RGB க்களின் மகாசபைக் கூட்டம் சென்னை அசோகா ஹோட்டலில் தலைவர் திரு. வீரராகவன் தலைமையில் நடைபெற்றது. 197 RGB க்கள் பங்களிப்புடன் இரவு 9 மணிவரை நடைபெற்ற கூட்டத்தில் எவ்விதத் தடையுமின்றி உறுப்பினர்களால் விவாதங்கள் நடத்தப்பட்டு முக்கிய முடிவுகள் எடுக்கப்பட்டது.

எடுக்கப்பட்ட முடிவுகள்.

1. நிலம் பெறுவதற்கான விருப்பக் கடிதத்தை LOI Letter of Interest ) 25-01-2012 துவங்கி 29-02-2012 க்குள் ரூபாய் 10 செலுத்தி சொசைட்டியில் கொடுத்து ஒப்புகை ( Acknowledgment ) பெற்றுக்கொள்ளவேண்டும். சொசைட்டி வெப்சைட்டில் கடிதத்தின் மாதிரி கொடுக்கப்பட்டுள்ளது. CMDA முடிவுப்படி விலை, அளவு எல்லாம் தெரிய 2 மாதங்களுக்கு மேல் ஆகும். அதன் பிறகு பத்திரிகையில் விளம்பரம் கொடுக்கப்படும். பின்னர் விருப்பம் தெரிவித்தவர்களிடமிருந்து, பிரிக்கப்படும் பிளாட்டுக்கு ஏற்ப நபர்கள் நீதிபதி முன்னிலையில் தேர்வு செய்யப்படுவர்.

2. சேலம் மற்றும் மதுரையில் சொசைட்டி கிளை திறக்கப்படுகிறது. சேலத்தில் 24-02-2012 ல் துவங்கப்படுகிறது.
3. சொசைட்டி வலைத்தளம் 25-01-2012 முதல் துவங்கப்படுகிறது. இனி உறுப்பினர் பற்றிய எல்லா விபரங்களையும் நாமே தெரிந்து கொள்ளலாம்.

4. DEFAULTER PERIOD 3 மாதங்களுக்கு மேல் இருந்தால் 2 % ( ரூபாய் 30000 வரை) PENALTY கட்டணமாக செலுத்தி லோன் பெற்றுக்கொள்ளலாம்.

5. ஈமச் சடங்குக்கான கடன் தொகை ரூபாய் 5000/- இன்று முதல் 10000/- ஆக

உயர்த்தப்படுகிறது.

6. காலியாக உள்ள இயக்குனர்கள் BY LAW படி தேர்வு நடத்தி தேர்ந்தெடுக்கப்படுவர்.

7. தற்போதுள்ள நிலைமையில் வட்டி குறைக்க வாய்ப்பில்லை. அதேபோல் TF க்கான வட்டி உயர்த்துவது பற்றி வரும் ஏப்ரலுக்குப் பிறகு முடிவு செய்யப்படும்.

8. வரும் பிப்ரவரி சம்பளத்தில் டிவிடன்ட் வழங்கப்படும்.

9. MULTI SOCIETY என்ற நிலைமையை உருவாக்க நாடு முழுவதும் கிளைகளை துவக்கினால் ஒழிய குறைந்த வட்டிக்கு நம்மால் கடன் பெற முடியாது. எனவே, அதைச் செயல்படுத்தி கடனுக்கான வட்டியை குறைப்போம். அதே நேரத்தில் உறுப்பினர்களின் பயம் கலந்த சந்தேகங்களை நாங்கள் முழுமையாக புரிந்து கொண்டுள்ளோம். அதன் அடிப்படையில் நடவடிக்கைகளை எடுப்போம் என்ற உறுதிமொழியை தலைவர் கொடுத்துள்ளார்.
   10 . இம்மாதத்திலிருந்து குடும்ப நல நிதி ரூபாய் 600 ஆகவும், காப்பீட்டுத் தொகை ரூபாய் 3 லட்சமாகவும் உயர்த்தப்படுகிறது.
   11 . தானே புயலில் பாதிக்கப்பட்டவர்களுக்கு முதலமைச்சர் நிவாரண நிதிக்கு சொசைட்டி லாபத்தில் 1 % அனுப்பப்படும்.
   12 . ஷேர் கேபிடல் தொகை இனி 10 % லிருந்து 5 % ஆகக் குறைக்கப்படுகிறது. விரைவில் அமுலுக்கு வரும். ஏற்க்கனவே பிடித்தம் செய்யப்பட்ட தொகையும் அட்ஜஸ்ட் செய்யப்படும்.

நிலம் பற்றி: தனி அதிகாரி நிர்வாகத்தில் இருந்தபோது ரூபாய் 16 கோடிக்கு வாங்கப்பட்ட 95.5 ஏக்கர் நிலத்தின் மதிப்பு இன்றைக்கு வட்டி சேர்த்து ரூபாய் 30 கோடியாக மாறியிருக்கிறது.

இந்த 95 .5 ஏக்கரில் 7 .5 ஏக்கர் நிலம் 4 வழிப் பாதைக்காக கொடுக்கப்பட்டு இழப்பீடாக ரூபாய் 1244015 /- பெறப்பட்டுள்ளது.

மீதி உள்ள 88 .2 ஏக்கரில் CMDA வழிகாட்டுதல்படி 10 % பொதுப் பயன்பாட்டுக்காகவும் ( பார்க் போன்றவைகளுக்காக),

10 % கமர்சியல் / இண்டஸ்ட்டரியல் பயன்பாட்டுக்கும்ஒதுக்கப்படுகிறது.

10 % பொருளாதார நிலையில் தாழ்ந்த பிரிவுக்கு ( Economically Weaker Section) ஒதுக்கப்படுகிறது. 680 sq. ft. என்ற அளவில் ஒதுக்கப்பட வேண்டும்.

மற்றவை 1200, 1500, 1800, 2400 sq. ft. என்கின்ற அளவில் நிலம் பிரிக்கப்படும்.

வலைத்தளம் பற்றி: 27-01-2012 முதல் துவங்கப்பட்ட நமது வெப்சைட்டின் முகவரி: WWW.BSNLSOCIETY.COM இதில் நுழைவது எப்படி?

MEMBER > MEMBER LOGIN > BSNL HR ...DOB ... கொடுத்து LOGIN செய்க.

மேலும் விபரங்களுக்கு என்னை தொடர்பு கொள்க.

வாழ்த்துக்களுடன்...

எஸ். சிவசிதம்பரம்,

RGB

பட்டுக்கோட்டை.

குடியரசு தின வாழ்துக்கள்

2012-01-26T10:16:00.001+05:30

புத்தாண்டு நல்வாழ்த்துக்கள்

2011-12-31T21:28:00.000+05:30

தோழர்கள் தோழியர்கள் அனைவருக்கும்

இனிய புத்தாண்டு நல்வாழ்த்துக்கள்.

மேலும்,

குறைவான ஊதியத்தில்
நிறைவான சேவையைத் தந்து

நம்மோடு பணியாற்றுகின்ற

ஒப்பந்த தொழிலாளர்களுக்கும்,

செக்யூரிட்டி தோழர்களுக்கும்

இப் புத்தாண்டு தினத்தில்
இதய பூர்வ வாழ்த்துக்கள்.

அன்புடன்,
தஞ்சை மாவட்டச் சங்கம்.

2011-12-15T21:11:00.003+05:30

நன்றி தோழர்களே! நன்றி!!

அகில இந்திய சங்கத்தின் அறைகூவலை ஏற்று டிசம்பர் 15, 2011 ஒரு நாள் வேலை நிறுத்தத்தில்

இதயசுத்தியோடு பங்கேற்ற உங்களை

வாழ்த்தி வணங்குகிறோம்!

இழப்பு வரினும் தயங்காது ஏற்று

இயக்கத்திற்காக போராடிய தோழர்களே!

இனி நாம் இழப்பதற்கு

அடிமைச் சங்கிலியைத் தவிர

வேறேதும் இல்லை!!

இனி நமது தலையாய பணி

இக் கண்ணியில்

எல்லோரையும் இணைப்பது ஒன்றே!

நன்றியுடன்,
தஞ்சை மாவட்டச் சங்கம்.

வாராது வந்த மாமணியை தோற்போமோ!

2011-12-14T22:06:00.001+05:30

NFTE BSNL

வாராது வந்த மாமணியை தோற்போமோ!

நாளை 15 - 12 - 2011 அன்று அகில இந்திய அளவில் நடத்தப்படுகின்ற ஒரு நாள் வேலை நிறுத்தத்தைச் சந்திக்கப் போகிறோம்! எப்படி சந்திக்கப் போகிறோம்? அதிகாரிகள் முதல் அடிமட்ட ஊழியன் வரை அனைவரும் ஒன்றிணைந்து! இந்த வாய்ப்புக்க்காகத்தானே காத்திருந்தோம். வந்த வாய்ப்பை நழுவ விடலாமா!

20 நாள் போராட்டத்தை நடத்தினோமே! அதற்கு நாம் லீவு கொடுத்தோமா - இல்லை சம்பளத்தைத்தான் இழந்தோமா! அதைத் தொடர்ந்து நடத்தப்பட்ட பல போராட்டங்களின் பேச்சு வார்த்தைகளில் முதல் கோரிக்கையே பழி வாங்குதல் ( No Victimization ) கூடாது என்பதுதானே. அந்தத் தன்மை இன்றைக்கு மாறி விட்டதே ஏன்? வலுவுள்ள தொழிற்சங்கம் அங்கீகாரத்தில் இல்லை என்பது சொல்லாமலேயே உங்களுக்குப் புரியும். அரசாங்கத்தின் No Work, No Pay என்ற மிரட்டும் போக்குக்கு நாம் அடிபணியலாமா? இது, நமது வளர்ச்சிக்கான, துறை மேம்பாட்டுக்கான போராட்டம் என்பதை உணர்வோம்! எனவே, எந்த வகையிலும் நாம் இப் போராட்டத்திலிருந்து விடுபட்டு, விடுப்பில் செல்லக் கூடாது என்பதை தாழ்மையுடன் கேட்டுக் கொள்கிறேன்.

நாளைய வேலை நிறுத்தம் நமக்கு ரூபாய் 1000, 1500, 2000 என்று ஒரு நாள் ஊதிய இழப்பைத் தரத்தான் செய்யும். இது இழப்புதான் என்பதை நாம் ஒப்புக் கொள்கின்ற அதே நேரத்தில் இந்த இழப்பைத் தாங்கிக் கொள்ள முடியாத ஊழியர்களும், தாங்கிக்கொள்ள முடிந்த ஊழியர்களும் நம்மிடையேதான் இருக்கிறார்கள் என்பதையும் எண்ணிப் பார்க்க வேண்டும்.

78.2% கிராக்கிப்படி இணைப்பை இலாக்கா கைக்கொள்ளாததால் நமது தோழர்கள் குறைந்த பட்சம் மாதா மாதம் ரூபாய் இரண்டாயிரத்தை இழந்து வருகிறோம். எல்லாத் துறையையும் விட அதிக அளவிலான போனசைப் பெற்று வந்த நாம் கடந்த இரண்டு ஆண்டுகளாக அதையும் முற்றாக இழந்து விட்டோம். ஆண்டுக்கு 10 நாள் LTC யில் லீவு சரண்டர் செய்து தொகையைப் பெற்றோமே - இன்றைக்கு அதையும் தானே இழந்து விட்டோம். மூன்று மாதத்திற்கு ஒரு முறை பெற்று வந்த MRS தொகைக்கும் இன்றைக்கு ஆப்பு அடித்தாகி விட்டது. இப்படி நம்மால் போராடி பெறப்பட்டவைகள் எல்லாம் பறிபோய்விட்ட நிலை.

அதுபோல் அங்கீகரிக்கப்பட்ட சங்கம் பெற்றவை ஏதாவது பறிபோயிருக்கிறதா! (பெற்றிருந்தால் தானே பறிபோவதற்கு).

ஆண்டுக்கு 10000 கோடிக்கு மேலே நிகர லாபம், கையிருப்பில் பல ஆண்டுகளாக வைத்திருந்த 40000 கோடி ரூபாய் ஆகிய இரண்டையும் நமது இலாக்கா இழந்திருக்கிறதே இவை யாராலே? திட்டமிட்ட அரசாங்கத்தின் தனியார் ஆதரவுக் கொள்கையால்தானே! அது மட்டுமல்ல, 2G, 3G, S பாண்டு என்று கோடி கோடி கொள்ளைகளை அடுக்கிக் கொண்டே போகலாம். இப்படி இழந்ததையும் , இழக்கப் போவதையும் நாம் எண்ணிப் பார்த்தோமேயானால் ஒரு நாள் சம்பள இழப்பு என்பது பெரிதாகத் தோன்றாது.

ஆக, இந்த படுபாதகங்களை எதிர்கொள்ள எவ்வளவோ போராட்டங்களை நாம் நடத்தி வெற்றி கொள்ள முடியாத சூழலில், இன்றைக்கு தெரிந்தோ, தெரியாமலோ இந்த ஒரு நாள் வேலைநிறுத்தம் வாராது வந்த மாமணியாக வந்திருக்கிறது. இதில் நாம் கண்டிப்பாக வெற்றி பெற்றாக வேண்டும் என்பதை உணர்ந்து கொள்வோம்.

இப் போராட்டம் வெற்றி பெற்றால், அந்த வெற்றி இதுவரை நாம் இழந்ததைப் பெறுவதோடு, BSNL ஐயும் மேம்படுத்தி, தொழிற்சங்கங்களிடையே ஒற்றுமையையும், தொழிலாளர்களிடையே இணக்கத்தையும் ஏற்படுத்தும் பேராயுதமாக மாறும்.

வாழ்த்துக்கள் தோழர்களே !

தோழமையுடன்,

எஸ். சிவசிதம்பரம்,

மாநில துணைத் தலைவர்,

பட்டுக்கோட்டை.

2011-11-30T12:27:00.002+05:30

முல்லை பெரியாறு அணை பிரச்சினையும் தீர்வும் என்ற இக் குறும்படம் பற்றிய கருத்துக்களை எழுத வேண்டுகிறேன்.

எஸ். சிவசிதம்பரம், பட்டுக்கோட்டை.

2011-11-17T13:55:00.000+05:30

தமிழ் மொழி

தடுக்கி விழுந்தால் மட்டும் அ... ஆ....

சிரிக்கும் பொது மட்டும் இ... ஈ....

சூடு பட்டால் மட்டும் உ... ஊ....

அதட்டும் பொது மட்டும் எ... ஏ....

ஐயத்தின் போது மட்டும் ஐ ....

ஆச்சர்யத்தின் போது மட்டும் ஒ ... ஓ....

வக்கணையின் போது மட்டும் ஔ.....

என்று பேசி,

மற்ற நேரம்

வேற்று மொழி பேசும்

தமிழர்களிடம் மறக்காமல் சொல்!

உன் மொழி தமிழ் மொழி என்று !!!

எஸ். சிவசிதம்பரம்.

2011-10-27T20:39:00.000+05:30

நவம்பர் 8 ஆர்ப்பாட்டம்

AITUC , CITU , INTUC , HMS , BMS உள்ளிட்ட 11 மத்திய தொழிற்சங்கங்களுடன் நாமும் இணைந்து நவம்பர் 8 அன்று கிளைகள் உள்ளிட்ட அனைத்து மட்டங்களிலும் ஆர்ப்பாட்டம் நடத்தவிருக்கிறோம்.

* பங்கு விற்பனையை தடுத்தி நிறுத்தி பொதுத்

துறையை காத்திடவும்,

* ஏறி வரும் விலைவாசி உயர்வுக்கு எதிராகவும்

ஒன்றுபட்டு குரல் கொடுப்போம். நமது கண்டனத்தை மத்திய அரசுக்கு எழுச்சியோடு வெளிப்படுத்துவோம்.

கிளைகள் தோறும் ஆர்ப்பாட்டத்தினை வெற்றிகரமாக்கிட வேண்டுகிறேன்.

தோழமையுடன்,

T . பன்னீர்செல்வம், மாவட்டச் செயலர், தஞ்சை.

2011-10-25T15:08:00.000+05:30

NFTE THANJAVUR

ஒப்பந்த ஊழியர்களுக்கு போனஸ், மற்றும் DA நிலுவை.

2011-10-19T21:21:00.001+05:30

ஒப்பந்த ஊழியர்களுக்கு போனஸ்,

மற்றும் DA நிலுவை.

ஒப்பந்த ஊழியர்களுக்கு இவ்வாண்டு போனஸ், DA நிலுவைத் தொகை மற்றும் சம்பளம் இம்மாதம் தாமதமாக கிடைத்துள்ளது. இதைத் தீபாவளிக்குள் தோழர்களுக்கு கிடைத்திட நமது தோழர்கள் எடுத்த முயற்சி, அதற்கு நிர்வாகம் அளித்த ஒத்துழைப்பு அளவிடற்கரியது.

கேபிள் காண்ட்ராக்ட் தோழர்களுக்கு முன்னதாகவே சம்பளம், போனஸ் ரூபாய் 2000 மற்றும் DA நிலுவைத்தொகை ரூபாய் 828 ஆகியவை சேர்த்து 7228 பட்டுவாடா செய்யப்பட்டுவிட்டது.

ஹவுஸ்கீப்பிங் தோழர்களுக்கு புதிய காண்ட்ராக்டர், சம்பளம், DAநிலுவைத் தொகை மற்றும் போனசைப் போடாமல் தாமதித்தார். உடன் வழங்கிட வேண்டி, நிர்வாகத்தை கடந்த 17 ம் தேதி நமது பிரின்ஸ் அவர்களும், பன்னீர்செல்வம் அவர்களும் வலியுறுத்தியதைத் தொடர்ந்து நேற்று அவர்கள் அனைவருக்கும் நிர்வாகமே பணப் பட்டுவாடா செய்தது.

போனசையும், நிலுவைத் தொகையையும், பேசிப் பெற்றுத் தந்த தலைவர்களுக்கும், தாமதத்தைப் பொறுக்காது நிர்வாகத்தையே பணப் பட்டுவாடாச் செய்ய வைத்த மாவட்டச் சங்கத் தலைவர்களுக்கும், பொறுப்புணர்வோடு நடந்து கொண்ட நமது GM மற்றும் DGM ஆகியோருக்கும் நமது நெஞ்சார்ந்த நன்றிகளை உரித்தாக்கிக்கொள்கிறோம்.

இந்த நேரத்தில் அங்கீகரிக்கப்பட்ட சங்கம் என்ன செய்கிறது என்று நீங்கள் கேட்கக் கூடாது. வழக்கம்போல அது அதன் கடமையை செய்து கொண்டுதான் இருக்கிறது.

நன்றியுடன்,

K . கிள்ளிவளவன்,

மாவட்டச் செயலர்,

TMTCLU , மன்னார்குடி.

ஆர்ப்பாட்டம்

2011-09-25T15:00:00.000+05:30

நமது அகில இந்திய சங்கம் வருகிற 27 - ௦09 - 11 அன்று அனைத்து மட்டங்களிலும் கருப்பு பேட்ஜ் அணிந்து ஆர்ப்பாட்டம் செய்ய அறைகூவல் விடுத்துள்ளது.

கோரிக்கைகள்

VRS கூடாது.

MRS நிறுத்தப்படக்கூடாது.

LTC க்கான லீவ் என்கேஷ்மென்ட் மீண்டும் வழங்கப்பட வேண்டும்.

நிறுத்தப்பட்ட LTC மீண்டும் தொடர வேண்டும்.

குறைந்தபட்ச போனஸ் வழங்கப்பட வேண்டும்.

கிளைச் செயலர்கள் ஆர்ப்பாட்டத்தினை வெற்றிகமாக்கிட அன்புடன் வேண்டுகிறேன்.

தோழமையுடன்,

T . பன்னீர்செல்வம்,

தஞ்சை மாவட்டச் செயலர்.

25 - 09 - 11 .

அஞ்சலி!

2011-09-23T14:25:00.000+05:30

நமது அகில இந்திய துணைப் பொதுச் செயலாளர் தோழர் C.K.மதிவாணன் அவர்களின் தந்தையாரும் சுதந்திரப் போராட்ட தியாகியுமான திரு. C. H . கிருஷ்ணன் அவர்கள் 22 - 09 - 2011 அன்று இறந்து விட்டார்கள் என்பதை ஆழ்ந்த வருத்தத்துடன் தெரிவித்துக் கொள்கிறோம்.

தமது அஞ்சலியினை தஞ்சை மாவட்டச் சங்கம் உரித்தாக்குகிறது.

மன்னார்குடி கிளை மாநாடு

2011-09-19T21:18:00.000+05:30

மன்னார்குடி கிளை மாநாடு நாளை 20 - 09 - 2011 மாலை 3 மணிக்கு நடைபெறவிருக்கிறது.

மாநிலச் செயலர் பட்டாபி பங்கேற்கிறார்.

VRS குறித்த வளமையான செய்திகள்,

துறை குறித்த புதிய தகவல்கள்,

கோவை மத்திய செயற்குழுவைப் பற்றிய செய்திகள், நமது எதிர்பார்ப்புகள், கவலைகள், பொறுப்புகள், கடமைகள் குறித்து மாநிலத் தலைமையுடன் முறையாக, தெளிவாக விவாதிக்க, கருத்துரை கேட்டிட திரளாய் வாருங்கள் தோழர்களே!

செப்-19 தியாகிகள் தினம்

2011-09-18T17:37:00.000+05:30

தியாகத்தை நினைவு கூர்வோம்.....

( S. சிவசிதம்பரம் )

யாகிகள் தினம் - செப்டம்பர் 19

தபால் தந்தி, ரயில்வே, பாதுகாப்பு பிரிவு ஊழியர்கள் இணைந்து 1968, SEP 19 அன்று நடத்திய ஒரு நாள் வேலை நிறுத்தம்தான் தியாகிகள் தினமாகக் கொண்டாடப்படுகிறது.

வரலாற்றுச் சிறப்புமிக்க இவ் வேலை நிறுத்தத்தின் கோரிக்கைகள்:

* தேவைக்கேற்ற குறைந்தபட்ச ஊதியம் அளித்திட வேண்டும்.

* கிராக்கிப்படியை சம்பளத்துடன் இணைத்திட வேண்டும்.

* DA FORMULA வினை மாற்றி அமைக்க வேண்டும்.

இதை அறிவித்து வேலை நிறுத்தம் துவங்குவதற்கு முன்னமேயே தலைவர்களைக் கைது செய்யும் நடவடிக்கையை மத்திய அரசு துவக்கி விட்டது. பாண்டிச்சேரியில் செப் 17 அன்று கைது துவங்கியது. பொதுச் செயலர் D. ஞானையா செப் 18 காலையில் கைது செய்யப்பட்டார். ஞானையா

கைது செய்தி கேள்விப்பட்டவுடன் டெல்லியில் உள்ள அனைத்து P & T அலுவலக ஊழியர்கள் WALKED OUT செய்தனர். டெல்லியில் உள்ள அனைத்து P & T நிர்வாக பகுதிகளில் 18 ம தேதி காலை 11 மணிக்கே வேலை நிறுத்தம் துவங்கி விட்டது.

டெல்லியில் மட்டும் 1650 P & T ஊழியர்களும் 350 மற்ற பிரிவு ஊழியர்களும் கைது ஆனார்கள். P & T தோழர்கள் 4000 பேர் உள்ளிட்ட 10000 பேர் கைது செய்யப்பட்டனர்.

வேலை நிறுத்தத்தில் பங்கேற்ற 280000 பேரில் பாதி தோழர்கள் நாம்தான். 140000 ஊழியர்கள். கைதானதிலும் 40 % நாம்தான்.

8700 பேர் சஸ்பென்ட் செய்யப்பட்டனர். இதில் P & T தோழர்கள் 3756 பேர். 44000 தற்காலிக ஊழியர்களை Termination செய்ய நோட்டிஸ் கொடுக்கப்பட்டது.

எந்த ஒரு ஜனநாயக நாட்டிலும் இது போன்ற கடுமையான பழிவாங்கல் நடவடிக்கை ஒரு நாள் வேலை நிறுத்தத்தில் நடைபெற்றதில்லை.

மேற்கு வங்கம், அஸ்ஸாம், கேரளா, பஞ்சாப், ராஜஸ்தான், பீகார் ஆந்திரா, டெல்லி ஆகிய இடங்களில் வேலைநிறுத்தம் தீவிரப்பட்டது.

மத்திய பிரதேசம், ஒரிசா, மகாராஷ்டிரா, தமிழ்நாடு ஆகிய பகுதிகளில் பரவலாக நடைபெற்றது.

கர்நாடகா, குஜராத், ஜம்மு காஷ்மீர் போன்ற மாநிலங்களில் மட்டும் அவ்வளவான பங்களிப்பு இல்லை.

பிகானிர், பதான்கோட், மரியாணி, பொங்கைகான் ஆகியவிடங்களில் காவல் துறையினரின் துப்பாக்கிச் சூட்டுக்கு 9 ரயில்வே தொழிலாளிகள் பலியானார்கள். பல இடங்களில் கண்ணீர்ப் புகைக் குண்டுகளும் வீசப்பட்டன. கூட்டு நடவடிக்கைக் குழு அரசிடம் பழிவாங்கலைக் கைவிடக்கோரியும் அசையாததால் விதிப் படி வேலை போராட்டத்தை துவங்கியது.

விதிப்படி வேலை ( work to rule ) போராட்டத்தை நாடுமுழுதும் பெரிய அளவில் செய்திட வேண்டி திகார் ஜெயிலிலிருந்து பொதுச் செயலாளர் ஞானையா கடிதம் எழுதினார். இக் கடிதம் ஜெயிலிலிருந்து கடத்தப்பட்டு அனைத்துக் கிளைகளுக்கும் பரப்பப்பட்டது. கடிதத்தில்,

    அரசின் பாசிச போக்கிற்கு, பழிவாங்கலுக்கு எதிரான போராட்டத்தை மன உறுதியுடன் நாம் எடுத்துச் செல்வோம்.   அரசு ஊழியர்க்கெதிரான நடவடிக்கைகளை வாபஸ் பெரும் வரை விதிப்படி வேலை போராட்டத்தோடு மட்டுமல்லாது மற்ற மற்ற உபாயங்களையும் மன உறுதியோடு, போர்க்குணத்தோடு செயல்படுத்துங்கள் தோழர்களே. தபால் தந்தி சேவையின் இயல்பு வாழ்க்கையை நிலைகுலைய வையுங்கள். நம்மை யாரும் அச்சுறுத்தி பணிய வைக்க முடியாது. நமது வெற்றியை நோக்கி முன்னேற கடுமையான போராட்டத்திற்கு தயாராகுங்கள்.
     பாதிக்கப்பட்ட தோழர்களுக்கு நிவாரண நிதி திரட்டுங்கள். எல்லா வழிகளிலும் முயற்சி செய்து பெருமளவிலான நிதி திரட்டுவதற்கு ஆயத்தமாகுங்கள் தோழர்களே. O T WORK பார்க்கவிடாதீர்கள். உள்ளே, வெளியே மற்றும் வாய்ப்பு உள்ள இடங்களில் எல்லாம் ஆர்ப்பாட்டம் செய்யுங்கள் என்று 21 ம தேதி கடிதம் எழுதினார்.

     இந்த எழுச்சிமிக்க போராட்டம் தொழிற்சங்கங்களை எல்லாம் ஒன்று படுத்த உதவியது. தொழிலாளர் சக்தியை அரசும் உணரத் துவங்கியது.

எதிர்காலப் போராட்டங்களுக்கு உந்து சக்தியாக விளங்கிய செப் 19 போராட்ட தியாகிகளுக்கு நமது வீர வணக்கத்தை உரித்தாக்குவோம்.

நன்றி: D. GNANAIYA s GLIMPSES OF A UNIQUE UNION

என்ன கொடுமைடா சாமி !

2011-09-08T14:33:00.000+05:30

என்ன கொடுமைடா சாமி !

நாம 30 வருஷத்துக்கு முன்னாடி போராடிப் பெற்ற போனசு போன வருஷம் நின்னு போச்சு.

நம்ம குப்தாவால கெடச்ச MRS , அதுவும் 8 வருஷமா வாங்கிக்கிட்டிருந்த MRS நிறுத்தியாச்சு.

LTC போகும்போது நம்ம லீவ வித்து அத காசாக்கிப் பாத்தோமே, அட ஒரு வருஷம்தான் ஆச்சு. அதையும் எல்லோரும் ஒரு தடவதானையா வாங்கினோம்! அதுக்கும் ஆப்பா!

நம்ம காலத்துல, இது மாதிரி ஒரு அறிவிப்பு , சங்கத்தைக் கலக்காம வந்திருக்குமா! வந்திருந்தா இப்படி வேடிக்கை பார்த்திருப்போமா! பங்காளிதான் உட்ருப்பானா!

என்ன கால கெரகம்டா! அப்புறம் எதுக்குய்யா ரெக்ககனைஷன் சங்கம் வேணும்னு கொண்டு வர்றாங்க!

அவுங்கள கொற சொல்லக்கூடாது. நம்மளத்தான் நொந்துக்கனும்! NFTE ய விட சூப்பரா ஒரு சங்கம் கெடச்சா நல்லாருக்குமேன்னு நெனச்சு, இருக்குறத விட்டுட்டு பறக்கறதுக்கு ஆசைப்பட்டோம். சூப்பரு போய் டூப்பரு கெடச்சதுதான் மிச்சம்.

மூணு மாசத்துக்கு முந்தியே BSNLEU வோட JCM ல நம்ம CMD சொன்னாராம், செல வெட்டுக்கள்லாம் வரும்னு. நம்மாளு மூணு மாசமா வாடிக்கையாளரை மகிழ்விக்கிற வேலையில ரொம்ப பிசியா இருந்ததுனால இதுல கவனம் செலுத்த முடியல போலருக்கு.

பாவம், அதுவும்தான் என்ன செய்யும். ஆனா ஒன்னு செஞ்சிருச்சு. வழக்கம்போல ஆர்ப்பாட்ட சடங்க இன்னைக்கி நடத்திருச்சி.

என்ன? செய்யனும்னு நாம நெனைக்கிறோம்!

எல்லா சங்கத்தையும் அழைச்சுப் பேசணும், கூச்சநாச்சம் பாக்காம, கவுரவம் பாக்காம எல்லாரோட கருத்துக்களையும் கேக்கணும். குறிப்பா தொழிலாளி நெருக்கடி வந்தா ஒன்னாயிருவாங்கரதை நிர்வாகத்துக்கு ஒனர்த்தணும்.

ஆர்ப்பாட்டத்துல கூட JAC யை இணைக்க முடியாதவங்களா இதச் செய்யப் போறாங்கன்னு நீங்க நெனைக்கிறது எனக்குப் புரியுது.

ஆனாலும் வேறு வழியில்லை.

நின்னுபோச்சு, நிறுத்தியாச்சு, போச்சுங்கிற நெலைமை போயி,

போயே! போச்சுங்கற நெலமை வரக்கூடாதுல்ல!

தோழமையுடன்,

எஸ். சிவசிதம்பரம்,

மாநில துணைத் தலைவர்,

பட்டுக்கோட்டை.

இளமை ததும்பிய மாநாடு.

2011-09-01T13:27:00.000+05:30

இளமை ததும்பிய இளைஞர் மாநாடு.

காரைக்குடியிலே 20 - 08 - 2011 அன்று மிகச் சிறப்பாக இளைஞர் மாநாடு நடைபெற்றது.

மாநிலச் செயலர் பட்டாபியின் சிந்தனையை, காரைக்குடி மாவட்டத் தோழர்கள், மாவட்டச் செயலர் தோழர் மாரியின் தலைமையில் செயலாக்கம் செய்து தந்தனர். இந்த காலத்தில், இந்தத் துறையில், இப்போதிருக்கும் நிலைமையில், இப்படி ஒரு இளைஞர் மாநாடா!! வியக்கத்தான் வைத்தது.

இளைஞிகள் தேசியக் கொடியையும், சங்கக் கொடியையும் ஏற்றி வைக்கும்பொழுது, இளைய தோழர் ஒருவர் அற்புதமாக கோஷமிட்டார். நல்ல கவிதையும், பாரதி பாடலும் துவக்கத்தில் கிடைத்தது.

மாநிலச் செயலரின் துவக்க உரை கருத்தாழத்துடன் அமைந்திருந்தது.
தமது உரையிலே .........
பாரதி, பகத்சிங், விவேகானந்தர் பிறந்த நாள் விழாக்களில் இளைஞர்களின் பங்கேற்பு அவசியம். அதோடு தாரபாதா சிந்தனைகளை, தொழிற்சங்க வரலாற்றை இளைஞர்கள் முறையாக உள்வாங்கிக் கொள்ளவேண்டும்.
இளைஞர்களைப் புனரமைக்கும் "மறுசீரமைப்பை" கொண்டு வந்தவர் தோழர் குப்தா. அதேபோல் மஸ்தூர் - RTP க்கள் நிரந்தரம் என்ற விடுதலைப் போருக்கு ஆதாரமாக நின்றதோடு, பயனுறவும் வாழ்ந்தவர் தோழர் ஜெகன்.

ஜெகனைத் தொடர்ந்து வந்த தலைவர்கள் ஒவ்வொருவரும் ஒவ்வொரு பாணியைக் கைக்கொண்டிருந்தனர். முத்தியாலு என்றால் கவித்துவ பாணி, RK என்றால் எழுச்சி, நியாய ஆவேசம், போர்க்குணம். அதேபோல் தமிழ்மணி என்றால் ஒரு ஓரத்திலிருந்து மையத்திற்கு ( Main Stream ) வர முடியும் என்று நிரூபித்தவர்.

தோழர் CKM புதிய பாய்ச்சலை உருவாக்கியவர், அரசியல்வாதிகளின் பிடரியைப் பிடித்து உலுக்கியவராக வந்திருக்கிறார். அதேபோல் தொழிற்சங்கத்தில் இலக்கியத் தமிழை இணைத்து வழங்குகிறார் தோழர் ஜெயராமன். தோழர் சேது அவர்களோ தலைவன் என்ற பந்தா இல்லாமல், இயக்கத்தை சுமந்து செல்லக் கூடியவர்.

தோழர்கள் ஜெயபால், KSK ஆகியோர் என்னைக் கை பிடித்து அழைத்துச் சென்றவர்கள். தோழர் மாரி அப்துல் கலாமின் கோபத்திற்கு இணையான அன்பு கொண்டவர்.

அதேபோல் கோவை SSG , சுப்பராயன் போன்று அறுந்து போகாத மரபுத் தொடர்ச்சியாக இன்னும் தோழர்கள் வந்து கொண்டேயிருக்கிறார்கள்.

LPG காரணமாக இந்தியாவில் லஞ்சம் தலைவிரித்தாடுகிறது. வரப்போகும் 20 ஆண்டுகளில் BSNL அரசிடம் இருக்குமா! தனியாரிடம் இருக்குமா!!

அடுத்த பத்து ஆண்டுகளில் பங்கு விற்பனை, VRS நடக்கும்.

இந்த இரு சவால்களை நாம் சந்திக்க வேண்டியிருக்கிறது என்று கூறி அதற்கான காரண காரியங்களையும் கூறி துவக்க உரையினை நிறைவு செய்தார்.

.    குன்றக்குடி அடிகளார் அவர்களின் உரை தேச விடுதலைக்காக போராடிய தலைவர்களின் தியாகத்தை பாங்கை எடுத்துரைத்து பதிய வைத்தார். அனைவரையும் தமது சொல்லாக்கத்தால் நெகிழ வைத்தார்.

   சட்டமன்ற உறுப்பினர் குணசேகரன் அவர்கள் அரசியலில் நேர்மை பற்றியும், நமது சங்கத் தோழர்களிடமிருந்துதான் தாம் பலவற்றை கற்றுக் கொண்டதாகவும், எதிர்காலத்தில் நீங்கள் BSNL எதிர்கொள்ளும் சவால்களை வெற்றிகரமாகச் சந்திப்பீர்கள் என்றும் பேசினார்.

   இளைய தோழர்கள் விவாதத்தில் சிறப்பாய் பங்கேற்றனர்.

   அகில இந்தியச் செயலர் தோழர் ஜெயராமன், தலைவர் ஜெயபால் ஆகியோர் இளைஞர்களுக்கு   வழிவிட்டு குறைந்த நேரமே உரையாற்றினாலும், கருத்தாழமிக்க செய்திகளைத் தந்தனர்.

      முன்னாள் தலைவர் காரைக்குடி வெங்கடேசன் அவர்களும் நிகழ்வில் பங்கெடுத்துக் கொண்டார். தோழர்   RK அவர்கள் தமது வாழ்த்துச் செய்தியை அனுப்பியிருந்தார்.

   250 பேர் பங்கேற்கும் மாநாடாக நடத்த திட்டமிட்டு, 600    பேருக்கு மேல் திரண்ட கூட்டத்தை திறம்பட சமாளித்தார்கள். காலை, மதியம் இரு வேளையும் சுவைமிகு உணவு சின்னக் குறையுமின்றி பரிமாறப்பட்டது.

    தீர்மானங்கள் நிறைவேற்றப்பட்டு, ACS தோழர் நடராஜன் அவர்களின் நன்றி உரையோடு மாநாடு நிறைவு பெற்றது.

     நேர்த்தியாக நடத்தித் தந்த காரைக்குடி தோழர்களை மீண்டும் வாழ்த்துகிறோம்.

எஸ். சிவசிதம்பரம்,
பட்டுக்கோட்டை.

ஊழல் பொசுங்கட்டும்! லஞ்சம் நசுங்கட்டும்!

2011-08-18T12:39:00.001+05:30

இதோ இங்கு புதிய விடியல் பிறக்கும் அறிகுறியாய் வெப்பம் தெரியத் தொடங்கிவிட்டது!

குமுறிய மக்களின் கூக்குரல் கேளாமல் தவறிய சட்டத்தை தந்திட நினைத்தனர்! குடிமக்களை குரங்குகள் என்று நினைத்தனரோ? அரும்மக்களின் அடிவயிறு பற்றி எரியவா அரியாசனத்தில் அமர்ந்தாய்?

மக்கள் வயிற்றில் பற்றவைக்க நினைத்த நெருப்பு, இதோ அவர்களின் சட்டத்தையே இப்போது பற்றி எரிக்கிறது! மக்கள் மடையர்களென்றெண்ணி மந்தமாய் மந்தகாசம் செய்தோர் மண்டையில் நறுக்கென உறைத்தது; கருத்தில்லாத ஒரு சட்டத்தை கருக்கியது.

ஊழ்வினை ஊர்ந்து வந்து ஊட்டியது போதும் என்று, ஊழலின் வினையை விதைத்த நொடியே கொடுக்க முய‌லும் அற்புதமான ஜன் லோக்பால் சட்டததை, தடுக்க நினைத்த தற்குறிகளுக்கு சவுக்கடியை தந்து விட்டது, மக்களின் ஒற்றுமை.

மூவண்ணம் உயரப் பற‌க்க; கை வண்ணம் பொய்யை கருக்க; தீ வண்ணம் கண்ணில் பதித்து, வந்தே மாதரம் உறைத்த வண்ணம் மக்கள் கொடி பிடித்தது கண்கொள்ளா காட்சி.

அன்று வெள்ளையனை விரட்டிய இரு சுதந்திரப் போராட்டத் தியாகிகள் ஐயா கல்யாணமும், ஐயா லஷ்மிகாந்பாரதியும் இன்று கொள்ளையனை விரட்ட‌ குரல் கொடுத்தது முடவரையும் எழுத்து நிற்கச் செய்யும்.

காலம் மாறினாலும் கோலம் மாறாதவராய் இருக்கும் ஊழல் பேய்களை, கோலம் மாறினாலும் கொள்கை மாறாத இளைஞர் கூட்டம் உலுக்கி எடுக்கும் நாள் வெகு தொலைவில் இல்லை.

ஆன்று ஜன் லோக்பால் நிறுவப்படும், ஊழல் ஒழிக்கப் படும், லஞ்சம் அழிக்கப் படும், குறைகள் களையப்படும், பொய்மை பொசுக்கப் படும், நம் தேசியக் கொடி மட்டும் உயர்த்திப் பிடிக்கப்படும்!

வந்த்தே மாதரம்! வாழ்க பாரதம்!

தோழர் R K கைது.

2011-08-16T21:16:00.000+05:30

லோக்பால் மசோதாவுக்கு ஆதரவான போராட்டத்தில் ஈடுபட்டதற்காக

தோழர் R K கைது.

நமது முன்னாள் சம்மேளனச் செயலர் தோழர் R . K அவர்கள் அன்னா ஹசாரே அவர்களின் உண்ணாவிரதத்துக்கு ஆதரவாக போராடியதால் இன்று கைது செய்யப்பட்டார். ஊழலுக்கு எதிரான லோக்பால் மசோதாவில் பிரதமரையும் இணைத்திட வேண்டும் என்று எழுச்சியோடு நடைபெற்ற தர்மயுத்தத்தில் பங்கேற்றதற்காக இன்று கைது செய்யப்பட்டார். போராட்டம் இல்லாது யாராட்டமும் செல்லாது என்கின்ற கொள்கைவழி நின்று தீரமுடன் போராடிய தலைவர் R.K அவர்களை வாழ்த்திப் பாராட்டுகிறோம். அந்தத் திசைவழி செல்ல நாமும் பயணப்படுவோம்.

தோழமையுடன்,

தஞ்சை மாவட்டச் சங்கம்.

மாவட்டச் சங்கச் செய்திகள்:

2011-08-16T21:13:00.000+05:30

மாவட்டச் சங்கச் செய்திகள்:

     - மன்னார்குடி மற்றும் கூத்தாநல்லூர் கிளைகளின் இணைந்த கூட்டம் மன்னையில் நடைபெற்றது. தோழர்கள் நடராஜன் ACS, பன்னீர்செல்வம் DS, கிள்ளிவளவன் DS, TMTCLU ஆகியோர் பங்கேற்ற கூட்டத்தில், கோவையில் நடைபெறவிருக்கும் அகில இந்திய சம்மேளனச் செயற்குழுவுக்கு ரூபாய் 5000 நன்கொடை பெறப்பட்டது. நன்கொடை தந்த கிளைக்கு மாவட்டச் சங்கம் நன்றியையும் , வாழ்த்துகளையும் தெரிவித்துக்கொள்கிறது .
   - அனைத்து OUTDOOR TM தோழர்களுக்கும் சிம் கார்டு 300 இலவச அழைப்புகளுடன் வழங்கப்படுகிறது.
   -ரெயின் கோட்டு வாங்குவதற்காக ரூபாய் 500 இம்மாத சம்பளத்துடன் வழங்கப்படும்.
   - காரைக்குடியில் நடைபெறும் இளைஞர் மாநாட்டிற்கு தோழர்கள் திரளாய் பங்கேற்க வேண்டுகிறோம்.
   - மாவட்டம் முழுமையும் தோழர்கள் TOP UP கார்டுகளை விற்றுக் கொடுத்து நிர்வாகத்திற்கு ஒத்துழைக்க வேண்டுகிறோம்.
தோழமையுடன்,
T . பன்னீர்செல்வம்,
மாவட்டச் செயலர்,
தஞ்சை.

சொசைட்டி செய்திகள்

2011-08-12T13:54:00.000+05:30

சொசைட்டி செய்திகள்

10 ஆம் வகுப்பு மற்றும் 11 ஆம் வகுப்பில் அதிக மதிப்பெண் பெற்ற முதல் 3 சொசைட்டி உறுப்பினர்களின் குழந்தைகளுக்கு கீழ்க்கண்ட வாறு சொசைட்டி சார்பில் பரிசளிக்கப்பட விருக்கிறது. OC, SC/ST என தனித்தனியாக பிரித்து பகிர்ந்தளிக்கப்படுகிறது.

10 ஆம் வகுப்பு மாணவ மாணவியர்க்கு:

முதல் பரிசு :                          ரூ. 6000
இரண்டாம் பரிசு:                 ரூ. 3000
மூன்றாம் பரிசு:    ரூ. 2500

+ 2 ஆம் வகுப்பு மாணவ மாணவியர்க்கு:

முதல் பரிசு :                         ரூ. 6000
இரண்டாம் பரிசு:                 ரூ. 4000
மூன்றாம் பரிசு:    ரூ. 3000

விண்ணப்பப் படிவம் DOWN LOAD செய்து கொள்ளவும் அல்லது என்னிடம் பெற்றுக் கொள்ளவும்.
பூர்த்தி செய்யப்பட விண்ணப்பம் 31 - 08 - 2011 க்குள் சொசைட்டிக்கு வந்து சேர வேண்டும்.

அன்புடன்,
எஸ். சிவசிதம்பரம்,
RGB , பட்டுக்கோட்டை.

2011-08-12T13:23:00.000+05:30

2011-07-18T21:00:00.000+05:30

2011-07-17T21:31:00.003+05:30

இவ் ஆண்டு நம்மிடம் இணைந்த புதிய உறுப்பினர்கள்

1. R. கீதா RM    SDOT தஞ்சாவூர்.
2. J. அமர்நாத் ராவ்         RM CORP. ACCTS. தஞ்சாவூர்.
3. L. அறிவழகன் TM    EAST தஞ்சாவூர்.
4. S. சிங்கராயர்    TM    TD & PP தஞ்சாவூர்.
5. S . சரவணகுமார்    TTA      PRSU - தஞ்சாவூர்.
6. J. கீதா TTA     கரந்தை, தஞ்சாவூர்.
7. B. ரவிசங்கர்                   SS (O)     CCC - தஞ்சாவூர்.
8. B. கவிதா    TOA (G)       DRAWAL SECTION    தஞ்சாவூர்.
9. A. பாஸ்டின்
              அமலநாதன்        TOA (G)            CORP. ACCOUNTS - தஞ்சாவூர்.

10. S. வள்ளி                           RM பாபநாசம்.
11. L. இளஞ்செழியன் TM    பாபநாசம்.
12. R. வளர்மதி RM    அய்யம்பேட்டை.
13. G. ராமலிங்கம்    TM    அய்யம்பேட்டை.

14. D. ஜெயலெட்சுமி    RM மாரியம்மன்கோவில்.
15. J. கணேசன்    TTA    மாரியம்மன்கோவில்.
16. M. முருகன்    TM குருங்குளம்.

17. S . ராஜேந்திரன் STS (O) மன்னார்குடி.

18. V. ராஜேந்திரன் TM    பட்டுக்கோட்டை.
19. M.S. ராஜேந்திரன் TM மதுக்கூர்.
20. U. கணேசன் TM மதுக்கூர்.
21. M. லெட்சுமணன்    TM    திருத்துறைப்பூண்டி.
22. A. செல்லையன்    STS (O) திருத்துறைப்பூண்டி.
23. D. வேலாயுதம்    SS (O)    திருத்துறைப்பூண்டி.

24. R. முருகேசன்    TM தகட்டூர்.
25. E. முருகையன்    TM கரியாப்பட்டினம்.
26. G. குணாளன் TTA    கரியாப்பட்டினம்.
27. V. பன்னீர்செல்வம்    TM     செம்போடை.
28. B. செங்குட்டுவன்     TM    செம்போடை.

NFTE தஞ்சை மாவட்டச் சங்கத்திற்கு மெருகூட்ட

வருகை தரும் அன்புத் தோழர்களே! தோழியர்களே !!

உங்களை வணங்கி, வாழ்த்தி வரவேற்கிறோம்!

தோழமையுள்ள,

T. பன்னீர்செல்வம், மாவட்டச் செயலர், தஞ்சை.

2011-07-14T21:32:00.000+05:30

2011-07-06T14:07:00.000+05:30

சேவைச் செய்திகள்

2011-07-04T21:41:00.003+05:30

BSNL -ன் BROAD BAND சேவையில்
உங்களுக்கு புதிதாக ஒரு சலுகை.

நீங்கள் தேர்ந்தெடுத்துள்ள BB பிளானின்படி செலுத்த வேண்டிய மாத வாடகைத் தொகையை முன்னதாகவே செலுத்தினால் கீழ்க்கண்டவாறு பலனைப் பெறலாம்.

1. 10 மாதத் தொகையை கட்டினால் 1 ஆண்டு கால சேவை.

2. 18 மாதத் தொகையை கட்டினால் 2 ஆண்டு கால சேவை.

3. 2 ஆண்டுக்கான தொகையை கட்டினால் 3 ஆண்டு கால சேவை. அதோடு, கூடுதலாக ரூபாய் 1450 மதிப்புள்ள மொபைல் சிம்மில் வேலை செய்யும் வீட்டு போன் ( Fixed Wirless Phone ) இலவசமாக வழங்கப்படுகிறது.

PLAN CHANGE க்கு இது ஒரு தடை அல்ல.

அதோடு லேண்ட் லைன் வைத்திருப்பவர்கள் உங்கள் மொபைல் எண்ணை உடன் வாடிக்கையாளர் சேவை மையத்தில் பதிவு செய்யுங்கள். இதன் மூலம் உங்களின் கட்டண தொகை அறிவிப்பும், கட்டிய பின் கட்டி விட்டீர்கள் என்ற அறிவிப்பும் SMS மூலம் அனுப்பி வைக்கப்படும்.

வாடிக்கையாளர் சேவை மையம், BSNL, பட்டுக்கோட்டை.

சொசைட்டி செய்திகள்

2011-07-04T19:55:00.000+05:30

சொசைட்டி செய்திகள்

(சாதாரணக் கடன் உச்சவரம்பு உயர்வு தொடர்பாக

சொசைட்டி தலைவர் திரு. வீரராகவன் அவர்களின்

30 - 06 - 11 -ம் தேதிய சுற்றறிக்கையிலிருந்து.)

1. 01-07-2011 முதல் சாதாரணக் கடன் தொகை ரூபாய் 3,50,000 ஆக உயர்த்தப்படுகிறது. இக் கடன் 90 மாதத் தவணைகளில் பிடித்தம் செய்யப்படும்.

2. பணிக் காலம் குறைவாக உள்ள அங்கத்தினர்களுக்கு அதிகப் பட்சக் கடன் வழங்கிட இயலாது.

3. கடன் பெறுபவர்கள் மாதத் தவணை தொகைகளில் நிலுவையின்றி பார்த்துக் கொள்ள வேண்டப்படுகிறார்கள். அனைவரும் எளிதாய் கடன் பெற இது உதவும்.

தோழமையுடன்,

எஸ். சிவசிதம்பரம்,

RGB, பட்டுக்கோட்டை.

சொசைட்டி செய்திகள்

2011-06-15T21:53:00.002+05:30

சொசைட்டி செய்திகள்

கடந்த 14-06-11 அன்று RGB கூட்டம் சென்னை செங்குன்றத்தில் நடைபெற்றது.

சென்னை தொலைபேசியில் 55 (66) , தமிழ் மாநிலத்தில் 129 (143) என மொத்தம் 184 (209) RGB க்கள் பங்கேற்றனர்.

அனைத்து RGB க்களையும் வெள்ளானுர் கிராமத்தில் ஊழியர்களுக்காக வாங்கிப் போடப்பட்டிருந்த 95 ஏக்கர் நிலத்தை பார்வையிடச் செய்தனர். நிலப் பகுதி முழுமையும் நேர்த்தியாக முள் கம்பி வேலி போடப்பட்டு, முகப்பில் பாதுகாவல் அறையுடன் நுழைவாயில் வளைவும் அமைக்கப்பட்டுள்ளது. கண்காணிக்க பாதுகாவலரும் போட்டிருக்கிறார்கள்.

பின்னர் நடைபெற்ற பிரதிநிதித்துவ மகா சபைக் கூட்டத்தில் கீழ்க்கண்ட முடிவுகள் எடுக்கப்பட்டுள்ளது.

1 . நிலம் முழுமையும் கண்டிப்பாக சொசைட்டி உறுப்பினர்களுக்கே வழங்கப்படும் என்று தலைவர் பலத்த கரவொலிக்கிடையே அறிவித்தார்.

2 . இடைக்காலமாக சாதாரணக் கடன் ரூபாய் 25000 உயர்த்தி தரப்படுகிறது. இது 15-06 -11 முதலே அமுலுக்கு வருகிறது. 1 அல்லது 2 மாதத்திற்கு முன்னர் கடன் பெற்றவர்களும் உடன் இக் கடனைப் பெறலாம்.

3. ஜூலை மாதத்தில் சாதாரணக் கடன் 3 .25 லட்சத்திலிருந்து 4 லட்சமாக உயர்த்திட பெருமுயற்சி எடுக்கப்படும். அது கிடைக்கும் பட்சத்தில் குடும்ப நல நிதி தொகை ரூபாய் 400 -ரிலிருந்து 600 ஆக மாற்றப்படும். அத்துடன் இன்சூரன்ஸ் தொகை 2 லட்சம் என்பது 3 லட்சமாக உயர்த்தப்படுகிறது.

4 . வட்டி விகிதம் உயர்த்தப்பட மாட்டாது.

அன்புடன்,

எஸ். சிவசிதம்பரம்,

RGB

பட்டுக்கோட்டை.

தோழர் ஜெகன் நினைவு நாள்

2011-06-07T18:47:00.000+05:30

ஜூன் - 7

இன்று தோழர் ஜெகன் நினைவு நாள்.

அவரது உழைப்பை,

செயல்பாட்டை,

தன்னலமில்லா செயல்திறனை

உள்வாங்குவோம்.

அவரது தியாகம் நமக்கு,

நமது துறைக்கு,

உழைப்போருக்கு ஆதர்சமாக

இருந்து வழிகாட்டும்.

மாவட்டச் சங்கம்,

தஞ்சாவூர்.

2011-05-29T13:24:00.001+05:30

சென்னை கூட்டுறவு சொசைட்டி செய்திகள்

2011-05-26T20:48:00.000+05:30

1. Thrift fund க்கு வட்டி 1 % உயர்த்தப்பட்டுள்ளது.

2. 23 - 5 - 2011 முதல் நகைக் கடன் பெறும் தொகை கிராமுக்கு

ரூபாய் 1300 -ரிலிருந்து 1500 ஆக உயர்த்தப்பட்டுள்ளது.

எஸ். சிவசிதம்பரம், RGB

பட்டுக்கோட்டை.

ஜெகன் இல்லம்

2011-05-06T20:52:00.000+05:30

தமிழ் மாநிலச் சங்கக் கட்டிட

திறப்பு விழா!

தமிழக தொலைபேசி ஊழியர்களின் கனவு இல்லம், நமது சொந்தக் கட்டிடம் வருகிற மே ஒன்பதாம் தேதி திறக்கப்படவிருக்கிறது. ஜெகன் இல்லாத இது மாதிரியான பெரிய நிகழ்வுகளை நம்மால் எண்ணிப் பார்க்க முடியவில்லை. காலம் நம்மை தண்டித்துவிட்டது. எப்பேர்ப்பட்ட நம்பிக்கை நட்சத்திரம்! வருகிற ஒன்பதாம் தேதி சிலையாக தரிசிக்கப் போகிறோம்.

   நமது இயக்கத்தின் இருபெரும் ஜாம்பவான்கள் குப்தாவும், ஞானையாவும் விழாவினைச் சிறப்பிக்கிறார்கள். இப் புதுமனைப் புகு விழாவிலே ஏராளமான தோழர்கள், தலைவர்கள் திரள்கிறார்கள். பொதுச் செயலர் சந்தேச்வர் சிங்கும், சகோதரச் சங்கத் தலைவர்களும் பங்கேற்கிறார்கள்.

     குடந்தையிலிருந்து தலைவர் ஜெயபால் தலைமையில் தொண்டால் பொழுதளந்த தூய தலைவனின்    சிலையை இன்று மாலை அழைத்து வருகிறார்கள்.

     திரளாய் வாருங்கள் தோழர்களே! நமது நம்பிக்கை நட்சத்திரமாம் NFTE யின் தமிழ் மாநிலச் சங்க இல்லத்தில் ஒன்றாய்ச் சந்தித்து மகிழ்வோம்!

     நம்மால் நிதி கொடுக்கப்பட்டிருக்கலாம்! உருவாக்கப் பணியில் ஈடுபட்டிருக்க முடியுமா! அந்தக் களப் பணியில் ஈடுபட்ட போராளிகளை நேரில் சந்திப்போம்! வாயார வாழ்த்துவோம்! வாழ்த்துப் பெறுவோம்.

அன்புடன்,

எஸ். சிவசிதம்பரம்,

பட்டுக்கோட்டை.

புதிய CMD பதவியேற்பு

2011-05-03T21:30:00.000+05:30

திரு. R.K. உபாத்யாயா அவர்கள்

நமது புதிய CMD ஆக 30-04-2011 முதல் பதவியேற்றிருக்கிறார். TCIL லிலிருந்து வந்திருக்கும் அவரை வாழ்த்தி வரவேற்கிறோம். நெருக்கடியான நேரத்தில் பணியேற்றிருக்கும் அவரால் BSNL தழைக்கும் என்று நம்புவோம். நேர்மையான, எந்தவொரு மாற்றத்திற்கும் அவருக்கு உறுதுணையாவோம்.

126-வது மே தின வாழ்த்துக்கள்

2011-05-01T11:02:00.001+05:30

தங்கள் உதிரத்தை வேர்வையாகச் சிந்தி உழைத்து மானுட நாகரிகத்தின் வளர்ச்சிக்கு மாபெரும் பங்காற்றிய உழைப்பாளர்கள் 8 மணிநேரம் கொண்ட உழைப்பு நாளை தங்களுடைய உரிமையாக போராடிப் பெற்ற நாளே மே தினமாக உலகம் முழுவதும் கொண்டாடப்படுகிறது!
எல்லோரும் நினைப்பதுபோல மே தினம் என்பது முதன் முதலில் பொதுவுடமை புரட்சி நடந்த சோ‌விய‌த் ரஷ்யாவிலோ அல்லது அதன் பிறகு பொதுவுடமை நாடான சீனாவிலோ பிறக்கவில்லை. மாறாக பொதுவுடமைத் தத்துவத்திற்கு பெரும் எதிர்ப்பு காட்டிவரும் அமெரிக்காவில்தான் முதன் முதலில் உழைப்பாளர்களின் அடிப்படை உரிமை நிலைநாட்டப்பட்டது.
இன்றிலிருந்து 125 ஆண்டுகளுக்கு முன் அமெரிக்காவில் உள்ள சிகாகோ நகரில் அந்த உரிமை கோரிக்கை போராட்ட வடிவத்தைப் பெற்றது.
ஒவ்வொரு நாளும் 10 மணிநேரம் 12 மணிநேரம் 14 மணிநேரம் என்று உழைப்பாளர்களும் பணியாளர்களும் நேர வரையறையற்று வேலை வாங்கப்பட்டு வந்த அந்த நாளில் 8 மணிநேரம் மட்டுமே பணியாற்றுவோம் என்றும் வாரத்தில் ஒருநாள் விடுமுறை அளிக்க வேண்டும் என்றும கோரியும் தொழிலாளர்கள் முதன் முதலாக 1880ஆம் ஆண்டு குரல் கொடுத்தனர்.
அந்த உரிமை கோரிக்கை அடுத்த 4 ஆண்டுகளில் மிகப்பெரிய தொழிலாளர் ஒற்றுமைக்கு வழிவகுத்தது. 1884ஆம் ஆண்டு தொழிலாளர்கள் மற்றும் சிறு வணிகர்கள் சங்கங்களின் கூட்டமைப்பு (ஃபெடரேஷன் ஆஃப் ஆர்கனைஸ்ட் டிரேடர்ஸ் அண்ட் லேபர் யூனியன்ஸ்) ஒரு தீர்மானத்தை நிறைவேற்றியது.
அடுத்த 2 ஆண்டுகளில் அதாவது 1886ஆம் ஆண்டு மே மாதம் முதல் தேதி முதல் அனைத்து தொழிலாளர்களும் நாள் ஒன்றிற்கு 8 மணிநேரம் மட்டுமே பணியாற்றுவோம் என்று கூறி அந்த தீர்மானம் நிறைவேற்றப்பட்டது. தங்களுடைய கோரிக்கையை வலியுறுத்தி வேலை நிறுத்தத்தில் ஈடுபடப் போவதாகவும் அறிவித்தது.
ஆனால் தொழிலாளர்களின் கோரிக்கை ஏற்கப்படவில்லை.

1886ஆம் ஆண்டு ஏப்ரல் மாதம் சிகாகோ நகரில் இரண்டு லட்சத்து ஐம்பதாயிரம் தொழிலாளர்கள் கலந்துகொண்ட மே தின இயக்கம் தொடங்கியது.
தொழிலாளர்களின் வேலை நிறுத்தத்தை உடைக்க சிகாகோ கமர்ஷியல் கிளப் எனும் முதலாளிகள் சங்கம் 2 ஆயிரம் டாலர்கள் செலவு செய்து இயந்திரத் துப்பாக்கிகளைப் பெற்று இலினாய்ஸ் தேசியப் படையினருக்கு வழங்கி தொழிலாளர்களின் வேலை நிறுத்தத்தை ஒடுக்குமாறு கேட்டுக் கொண்டது.
உரிமைகள் நிலைநாட்ட உறுதிபூண்ட அந்தத் தொழிலாளர் இயக்கம் சிகாகோவில் உள்ள பலதரப்பட்ட தொழில்களில் ஈடுபட்டிருந்த மேலும் பல்லாயிரக்கணக்கான தொழிலாளர்களைக் கவர்ந்தது.

ஆனால் தொழிலாளர்களின் இயக்கத்தை உடைத்தே தீருவது என்று கங்கணம் கட்டிக்கொண்டு செயல்பட்ட சிகாகோ கமர்ஷியல் கிளப் உறுப்பினர்களின் தூண்டுதலின் காரணமாக இலினாய்ஸ் தேசியப் படையினர் நடத்திய துப்பாக்கிச் சூட்டில் 4 தொழிலாளர்கள் கொல்லப்பட்டனர். ஏராளமானோர் காயமடைந்தனர்.
தொழிலாளர்கள் மீது நடத்தப்பட்ட இந்தக் காட்டுமிராண்டித்தனமான தாக்குதலைக் கண்டிக்க அனார்க்கிஸ்ட் எனும் தொழிலாளர் அமைப்பு மே 4ஆம் தேதி ஹே மார்க்கெட் ஸ்கொயர் எனுமிடத்தில் ஒரு கண்டனக் கூட்டத்தை ஏற்பாடு செய்தது.
அந்தக் கண்டனக் கூட்டத்தில் பல லட்சக்கணக்கான தொழிலாளர்கள் கூடினர். கூட்டம் தொடங்கி நடைபெற்றுக் கொண்டிருந்தபோது அங்கு வந்த 180 பேர் கொண்ட இலினாய்ஸ் தேசியப் படையினர் தொழிலாளர்களை கலைந்து செல்லுமாறு கட்டளையிட்டனர்.
மேடையில் பேசிக் கொண்டிருந்தவர்கள் கீழே இறங்கியபோது திடீரென்று தேசியப் படையினர் மீது குண்டு ஒன்று வீசப்பட்டது. அதில் ஒருவர் கொல்லப்பட்டார். 70 பேர் காயமடைந்தனர். கோபமுற்ற தேசியப் படையினர் தொழிலாளர்களை நோக்கி துப்பாக்கிச் சூடு நடத்தியதில் ஒரு தொழிலாளி கொல்லப்பட்டார். பலர் காயமுற்றனர்.
தேசியப் படையினர் மீது குண்டு வீசியது யார் என்று யாருக்கும் தெரியவில்லை. ஆனால் அதை காரணமாக்கி தொழிலாளர் இயக்கத்தின் மீது அடக்குமுறை ஏவிவிடப்பட்டது. இயக்கத்தை ஏற்பாடு செய்து வந்த தலைவர்களின் இல்லங்கள் சோதனை என்ற பெயரில் சிதைக்கப்பட்டது. நூற்றுக்கணக்கானோர் கைது செய்யப்பட்டு எந்தக் காரணமும் கூறப்படாமல் சிறையில் அடைக்கப்பட்டனர்.
தொழிலாளர் இயக்கத்தை முன் நின்று நடத்திய அனார்க்கிஸ்ட் அமைப்பைச் சேர்ந்த 8 பேர் கொலை சதித் திட்டம் தீட்டியதாகக் கூறி வழக்கு தொடரப்பட்டது. வழக்கை விசாரித்த நீதிமன்றம் 8 பேரையும் குற்றவாளிகள் என்று எவ்வித ஆதாரமும் இல்லாமல் தீர்ப்பளித்தது. குற்றவாளிகள் அனைவரும் தூக்கிலிடப்பட்டு கொல்லப்பட வேண்டும் என்றும் தண்டனை விதிக்கப்பட்டது.
1887ஆம் ஆண்டு நவம்பர் 11ஆம் தேதி அனார்க்கிஸ்ட் அமைப்பைச் சேர்ந்த ஆல்பர்ட் பார்ஸன்ஸ், ஆகஸ்ட் ஸ்பைஸ், அடாஃல்ப் ஃபிஷ்ஷர், ஜார்ஜ் ஏங்கல் ஆகியோர் தூக்கிலிடப்பட்டு கொல்லப்பட்டனர். லூயிஸ் லிங்க் என்பவர் சிறைச் சாலையில் தற்கொலை செய்து கொண்டார். மற்ற மூவரும் 1893ஆம் ஆண்டு மன்னிக்கப்பட்டு விடுதலை செய்யப்பட்டனர்.
இதனைத் தொடர்ந்து தொழிலாளர்களின் உரிமை கோரிக்கையும் இயக்கமும் வலிமை பெற்றது. 8 மணிநேரம் கொண்ட உழைக்கும் தினமும் வாரத்தில் ஒரு நாள் விடுமுறையும் கிடைத்தது. உலகெங்கிலும் உழைக்கும் மக்களின் உரிமைகள் நிறைவேற, மானுடத்தை உயர்த்த அரும்பாடுபட்ட அந்த உழைக்கும் மக்கள் கூட்டத்தை மனிதாபிமானத்தோடு பார்க்க உலகம் கற்றுக்கொண்டது.
அமெரிக்காவில் உருவான மே தினம் தொழிலாளர்களின் ஒற்றுமை தினமாக உலகம் முழுவதும் கொண்டாடப்பட்டு வருகிறது.
‘உலகத் தொழிலாளர்களே ஒன்றுபடுங்கள்’ என்பதே மே தினம் அளித்த உரிமை முழக்கமாகும்.

ஊழல் மலிந்த அரசியல் சூழலில் தூய்மையாய் பூத்த தும்பைப் பூ அன்னா ஹசாரே!!

2011-04-12T15:39:00.001+05:30

லஞ்சம், ஊழல், குற்றங்கள் எல்லாம் எங்குதான் இல்லை. உலகம் முழுதும் பரவியிருக்கிறது. என்ன! அது நம்ம நாட்டில் கொஞ்சம் ஓவர்! அவ்வளவுதான்!! என்று நியாயப்படுத்தப்பட்ட சூழலில்,

அப்போ, இதற்கு விடிவே கிடையாதா! தடுப்பதற்கு மாற்று வழிதான் என்ன? என்ற கேள்வி நல்லவர்கள் மத்தியில் பதைபதைத்து எழுந்தபோது, எங்கு தேடினும் அதற்கான பதிலோ, வழியோ தென்படவில்லையே ஏன்?

லஞ்சம், ஊழலை எதிர்த்து பெரிதும் அக்கறை கொள்பவர்கள் இடதுசாரிகள். ஆனால் அவர்களிடம் ஒன்றுபடும் அக்கறை, சகோதர கட்சிகளை, சங்கங்களை சகித்துக் கொள்ளும் தன்மை குறைந்து விட்டது. அங்கும், பதவி ஆசை பற்றிக்கொண்டு விட்டதோ!

இருப்பினும், மாற்றத்தைக் கொண்டு வர உழைப்பவர்கள், என்கின்ற அடிப்படையில் அவர்களின் கரத்தை வலுப்படுத்துவதோடு, நாமெல்லாம் உதவிகரமாகவும் இருப்போம்!

காந்தியவாதி திரு. அன்னா ஹசாரே அவர்கள் தனது பட்டினிப் போரை 4 தினங்கள் தொடர்ந்து நடத்தியிருக்கிறார். அந்த லோக்பால் மசோதாவின் நியாயத்தை உணர்ந்து மத்திய அரசு இறங்கி வரவில்லை. தேசம் முழுதும் ஆதரவு அலை எழுச்சியோடு எழுந்ததால் இன்றைக்கு அதை ஒப்புக் கொண்டுள்ளது.

இதை அமுலுக்கு கொண்டு வருவது என்பதும் அவ்வளவு எளிதான காரியமல்ல. நமது தொடர்ந்த ஆதரவும், அக்கறையுடனான பரப்புரையும்தான் அம் மசோதாவை வெற்றி பெறச் செய்யும். இம் மசோதா இக் கால கட்டத்தில் மிக மிக அவசியம் என்பதை நாம் கண்டிப்பாக உணர்ந்தாக வேண்டும்!

இதை ஆதரித்து பேசுகின்ற அதே நேரத்தில், நம் நாட்டில் இது சாத்தியமில்லை, இதை சட்டம் போட்டெல்லாம் மாற்ற முடியாது. எவன் ஆட்சிக்கு வந்தாலும் இப்படித்தான் நடக்கும் என்கிற அபஸ்வரங்களும் ஒலிக்க ஆரம்பிக்கும், அவைகளை சட்டை செய்யாதீர்கள்.

பொதுவாக, அதிகாரத்தில் இருப்பவர்கள் பலருக்கு இவ் விஷயங்களில் அக்கறை இருக்காது. இவர்களும் வேதாந்தம்தான் பேசுவார்கள். இன்னும் சிலர், அக்கறை காட்டுவார்கள், ஆனால் செயல்பட மாட்டார்கள்.

அப்போ யார்தான் இதில் அக்கறை காட்டுவார்கள்? என்று யோசிப்பதை விட யாரால் இவ் விஷயத்தில் பொறுப்பாக இருந்து செயல்பட முடியும் என்று யோசித்தால், நம்மைப் போன்ற நடுத்தர - தொழிலாளி வர்க்கத்தால் நிச்சயம் முடியும் என்பது புலனாகும். ஆனால், நடுத்தர வர்க்கம் சின்னஞ் சிறிய அல்லது சில்லறைத்தனமான ஊழல்களில் ஆட்படுகின்ற காரணத்தால், அவைகளின் போர்க்குணம் மழுங்கடிக்கப்படுகிறது.

எனவே, பெரும்பான்மையாகவும், தாங்கும் சக்தியும் உள்ள நம்மால்தான் மாற்றத்தை உருவாக்க முடியும் என்ற நிலைப்பாடு இருக்கின்றபோது, நாம் அவைகளிலிருந்து விடுபடுவது நல்லதுதானே! இனி விடுபடத் துவங்குவோம்!!

நம்மால் முடியாதது யாராலும் முடியாது என்று நினைக்க வேண்டாம். அவர்களாலேயே முடியும்போது, நாம் ஏன் இந்த அற்பமான வாழ்க்கையை வாழ்கிறோம் என்ற எண்ணத்தை பலருக்கு இத் தன்மை தோற்றுவிக்கும்.

இந்த எண்ணத் தோன்றலே முதல் வெற்றி. இனி, அன்னா ஹசாரேயின் புதிய லோக்பால் மசோதா பற்றி எங்கும் விளக்கிப் பேசுவோம், பரப்புரைப்போம். பொது மக்கள் அறியும் வண்ணம் பல்வேறு வடிவங்களில் ஆதரவினைக் காட்டுவோம்.

வாழ்க! அன்னா ஹசாரே!!

தோழமையுடன்,

எஸ். சிவசிதம்பரம்,

பட்டுக்கோட்டை.

செல் சேவையில் புதிய திட்டம் " நேசம் "

2011-04-08T21:37:00.000+05:30

நமது BSNL ன் புதிய அறிமுகம்

" நேசம் ".

இது பெருமளவிலான வாடிக்கையாளர்களை கவர்ந்துள்ளது.

இத் திட்டத்தின் சிறப்பம்சங்கள்:

சிம் கார்ட் ஒன்றின் விலை

ரூபாய்: 20

இலவசமாக 50 நிமிடங்கள் பேசிக்கொள்ளலாம்.

( ஒரு மாதத்திற்குள் )

இலவசமாக மாதத்திற்கு 2OO SMS

அதற்கு மேல் ஒரு SMS க்கு

50 பைசா.

FFE திட்டத்தில் 53733 எண்ணுக்கு

SMS அனுப்பி 5 BSNL எண்ணுக்கு 10 பைசாவில் பேசிக்கொள்ளலாம்.

இந்த 5 எண்ணுக்குள் BSNL அல்லாத எண்ணும் இருக்கலாம். ஆனால் அதற்கு நிமிடத்திற்கு

30 பைசா.

இதை மாற்றிக்கொள்ள கட்டணம்

5 ரூபாய்.

பொதுவாக BSNL எண்ணுக்கு பேச வினாடிக்கு 1 பைசா.

BSNL அல்லாத எண்ணுக்குப் பேச வினாடிக்கு 1.2 பைசா.

TOP - UP VALIDITY:

20 முதல் 50 ரூபாய் வரை 18 நாட்கள்.

60 முதல் 100 ரூபாய் வரை 45 நாட்கள்.

120 முதல் 200 ரூபாய் வரை 90 நாட்கள்.

200 ரூபாய்க்கு மேல் 6 மாதங்கள்.

அன்புடன்,

S. சிவசிதம்பரம்.

பட்டுக்கோட்டை.

IDA உயர்வு

2011-04-02T14:06:00.000+05:30

01 - 01 - 2011 முதல் 4. 2 % IDA உயர்ந்துள்ளது. இதுவரை நாம் பெற்ற IDA 47 .2 %

ESM , ஹவுஸ் கீப்பிங் தோழர்களின் சம்பளப் பிரச்சினை.

2011-03-16T19:53:00.000+05:30

ESM, ஹவுஸ் கீப்பிங் தோழர்களுக்கு சம்பளம் வருவதில் கடந்த 2 மாதமாக தாமதம் ஏற்பட்டு வருகிறது. அதிலும் பட்டுக்கோட்டை பகுதி ESM தோழர்களுக்கு ஜனவரி மாதத்திலிருந்தே சம்பளப் பட்டுவாடா நடைபெறவில்லை.

இது குறித்து நமது ஒப்பந்தத் தொழிலாளர் சங்க மாவட்டச் செயலாளர் தோழர் கிள்ளிவளவன் மாநிலச் செயலர் பட்டாபியிடம் முறையிட்டார். அவரது வழிகாட்டுதலின் பேரில் இன்று நமது தஞ்சை மாவட்ட பொது மேலாளரிடம் பேட்டி கண்டு தீர்வும் கண்டுள்ளார்.

இது வரை COMMON பண்ட்டிலிருந்து நிதி பெறப்பட்டு சம்பளம் போடப்பட்டு வந்ததால் ஏற்பட்ட தாமதத்தை மாற்றி, இனி ஒப்பந்த ஊழியர் ஊதியம் என்று தனித்தனியாக FUND ALLOTMENT கேட்கப்பட வேண்டும் என்பதை மாவட்ட நிர்வாகம் ஒப்புக் கொண்டது. அதுவும் இன்றே GM அவர்களால் மாநில நிர்வாகத்திற்கு அனுப்பப்பட்டு விட்டது. தலைவர் பட்டாபி அவர்கள் உடன் பட்டுவாடாவிற்கு முயல்கிறேன் என்று கூறியுள்ளார்.

தோழர்கள் சிரமத்தை இந்த வாரம் இறுதி வரை பொறுத்துக் கொள்ளுமாறு அன்புடன் கேட்டுக் கொள்கிறோம்.

தோழமையுடன்,

கே. கிள்ளிவளவன்,

மாவட்டச் செயலர்,

TMTCLU , தஞ்சை மாவட்டம்.

GPF - EB பில் PAYMENT பிரச்சனைக்கு இன்று தீர்வு. காணப்பட்டது.

2011-03-08T15:18:00.000+05:30

GPF பட்டுவாடாவில் ஏற்பட்டுள்ள குளறுபடியையும், FUND இல்லை என்று சொல்லி அதன் காரணமாக EB பில் கூட செலுத்தமுடியாத நிலைமையினையும் மாநிலச் செயலர் தோழர். பட்டாபி அவர்களிடம் நமது மாவட்டச் சங்கம் கூறியதையடுத்து, CGM அவர்களிடம் பட்டாபி அவர்கள் பேசினார். அதன் அடிப்படையில் இன்று அப் பிரச்சினை தீர்வுக்கு வந்து விட்டது. ஏற்கனவே 50 % GPF போடுவதற்கான வேலை நடந்திருந்தது. அதை மாற்றி 100 % GPF PAYMENT க்கு ஏற்பாடு செய்யப்பட்டுள்ளது. எவ்விதத் தடையுமின்றி இனி EB பில் பட்டுவாடாவிற்கு FUND அனுப்பி வைக்கப்படும் என்றும் ஒப்புக் கொண்டுள்ளார் நமது CGM.

நமது கோரிக்கையை உடன் தீர்த்து வைத்த மாநிலச் செயலருக்கும், கூடுதல் பணிச் சுமையை ஏற்றுக்கொண்ட AO அலுவலகத் தோழர்களுக்கும் நமது நன்றியைத் தெரிவித்துக் கொள்கிறோம்.

இவண்,

T. பன்னீர்செல்வம்,

தஞ்சை மாவட்டச் செயலர்.

பிப்ரவரி - 23 அனைத்து கிளைகளிலும் ஆர்ப்பாட்டம்

2011-02-21T21:35:00.000+05:30

மத்திய தொழிற்சங்கங்களின் அறைகூவலுக்கிணங்க பாராளுமன்றம் நோக்கிய பேரணி பிப்ரவரி - 23 அன்று டெல்லியில் நடைபெறவுள்ளது. அதையொட்டி நாம் நமது கிளைகள் தோறும் ஆர்ப்பாட்டத்தினை நடத்திட வேண்டும்.

கோரிக்கைகள்

1 மத்திய அரசே விலைவாசி உயர்வைக் கட்டுப்படுத்து.

2 பெட்ரோலியப் பொருட்களின் விலைகளை தாறுமாறாக உயர்த்தாதே.

3 விவசாயிகளின் வாழ்வாதாரத்தை சீர்குலைக்காதே.

4 நவீன இந்தியாவின் கோயில்களாம் பொதுத்துறை நிறுவனங்களை

சீரழிக்காதே.

5 உபகரணங்கள், கருவிகள் வழங்காமல், BSNL நிறுவனத்தின் விரிவாக்கத்தை

முடமாக்காதே! நலிவடையச் செய்யாதே.

6 BSNL ஊழியர்களைக் குறைத்திட, VRS மூலம் ஆட்குறைப்பு செய்திடும்

வகையில் போடப்பட்ட கமிட்டியை ரத்து செய்.

மேற்கண்ட கோரிக்கைகளுக்காக நமது சம்மேளனமும், மாநிலச் சங்கமும் போராட்டத்திற்கு ஆதரவாக கிளைகள்தோறும் கண்டன ஆர்ப்பாட்ட நடத்தக் கோரியுள்ளது.

எனவே, அனைத்து கிளைச் செயலர்களும் கிளைகளில் ஆர்ப்பாட்டத்தை எழுச்சியோடு நடத்திடுமாறு அன்புடன் கேட்டுக் கொள்கிறோம்.

தோழமையுடன்,

எஸ். பிரின்ஸ், T பக்கிரிசாமி, T பன்னீர்செல்வம்,

மாவட்டத் தலைவர். மாவட்டப் பொருளர். மாவட்டச் செயலர்.

BSNLEU சங்கத்திற்கு தொழிற்சங்க அங்கீகாரம்.

2011-02-15T19:56:00.000+05:30

ஐந்தாவது உறுப்பினர் சரிபார்ப்புத் தேர்தலில் அதிக வாக்குகள் பெற்று வெற்றி பெற்ற BSNLEU சங்கத்திற்கு தொழிற்சங்க அங்கீகாரத்தினை BSNL நிர்வாகம் 14-02-2011 அன்று உத்தரவாக வெளியிட்டுள்ளது.

ஏற்கனவே பெற்று வந்த வசதிகளை அச் சங்கம் பெற்றுக் கொள்ளலாம் என்றும் அறிவிப்பு வெளியிட்டுள்ளது. 14-02-2011 முதல் 13-02-2013 வரை இந்த வசதி தொடரும் என்றும் குறிப்பிடப்பட்டுள்ளது.

அதோடு, கேரளா உயர்நீதி மன்றத்தில் FNTO சங்கம் தொடர்ந்துள்ள வழக்கினைச் சுட்டிக்காட்டி, அந்த வழக்கின் முடிவுக்கு இவ் அங்கீகாரம் உட்பட்டது என்றும் கூறியுள்ளது.

நண்பனும் வம்பனும்!

2011-02-13T21:23:00.002+05:30

PART 5

வம்பன்:

என்னா நண்பா! தேர்தலுக்கு முந்தி நீ என்னத் தேடி வந்த. இப்ப என்னடான்னா நான் ஒன்னத் தேடி வர வேண்டியிருக்குது. தோத்துட்டமேங்கர கவலையா?

நண்பன்:

அதெல்லாம் ஒன்னும் இல்லேப்பா! நாம ஒழச்ச, ஒழைப்புல ஒன்னும் கொற கெடையாது. அதே மாதிரி நம்ம மாவட்டத்துல, மாநிலத்துல நாம,ஜெயிச்சும்புட்டோம் இல்லையா!

வம்பன்:

இருந்தாலும், ஆல் இந்தியாவுல தோத்துட்டமேங்கர கவலை ஒனக்கு இருக்கு .இல்லையா?

நண்பன்:

ஆமாமா! அது இல்லாம இருக்குமா!

வம்பன்:

அது இல்லாமத்தான் இருக்கணும். வெற்றி - தோல்வின்னா நீ என்னான்னு நெனைக்கிறே! தேர்தல்ல ஜெயிக்கறது மட்டும்தானா! அது இல்லப்பா!!

நண்பன்:

அப்புறம் வேற என்ன! என்னை சாந்தப்படுத்துறதுக்காக நீ சொல்ற. தோத்த பெறகு எல்லாரும் சொல்ற வார்த்தைதான் இது. ஒன்னும் புதுசா சொல்லலியே நீ!

வம்பன்:

புதுசுதாம்ப்பா . நானும் ஒன்ன மாதிரித்தான் நெனைச்சிக்கிட்டு இருந்தேன். நேத்திக்கி குப்தா கும்பகோணம் வந்தாருல்ல! அவருப் பேச்சக் கேட்டப்புறம்தான் நாம ஜெயிச்சிருக்கிறது கொஞ்சம் நஞ்சம் இல்லேன்னு புரிஞ்சிது.

நண்பன்:

என்னப்பா! புதுசு, புதுசாப் பேசுற! அப்படி என்னாதான் சொன்னாரு குப்தா?

வம்பன்:

நாம நடத்தப்போற போராட்டத்துக்கு கோரிக்கையை தெளிவா தேர்ந்தெடுத்து, விவாதத்துக்கு தேவையான பாய்ண்ட்டுகளை தயார் பண்ணி வச்சிக்கிட்டு, போராட்டத்தை அறிவிச்சு, அதுல தொழிலாளிக்கு சேதாரம் ஏதுமில்லாம ஜெயிக்குரோம்ல அதுதான் வெற்றி அப்புடீன்னார் நம்ம குப்தா!

நண்பன்:
  வெரிகுட்!வெரிகுட்!! நீ கவனமாத்தான்       கேட்டிருக்கறே! வேற என்னா பேசினார்!

வம்பன்:
   நெறைய பேசினார். முக்கியமான ஒரு சில செய்திகளை மட்டும் சொல்றேன். அதாவது, போராட்டமும் நடத்தாம, அப்புடியே நடத்துனாலும் எந்த உடன்பாடும் ஏற்படாம அங்கீகாரப் போட்டியிலே மட்டும் வெற்றி பெற்றால் அது வெற்றி கிடையாது. காலத்தே, போராடுவதும், கோரிக்கையை வென்றேடுப்பதும்தான் வெற்றி அப்படீன்னார்.

அது மட்டும் இல்ல. என் காலத்துல பெற்ற OTBP, BCR, 10 % அதெல்லாம் அப்போ இருந்த நிலைமைக்குத்தான் பொருத்தம். இன்னைக்கி இன்னும் மாற்றம் கொண்டு வரணும்.    பென்சன்ல இப்ப ஒரு நெருக்கடிய கொண்டு வந்திருக்காங்க. அன்னைக்கி நாம 2000 செப்டம்பர் 6, 7, 8 தேதிகள்ல FNTO, BTEF சங்கத்தோட சேர்ந்து நடத்துன போராட்டம் இன்னைக்கி வரைக்கும் பென்சனை பிரச்சினையில்லாமல் கொடுத்துக்கிட்டிருக்கு.   அன்னைக்கி அதுலயும் சேராம நின்னது நம்பூதிரி அணிதான்.   சேராதது மட்டுமல்ல, EL, GPF, HBA எல்லாம் போய்விடும், பொதுத் துறையானா எல்லாமே போய்விடும். இன்றைக்கு பொதுத் துறையாகி, அதில பெற்று வந்த எல்லாமே இன்னைக்கும் வாங்கிக்கிட்டிருக்கோம்.   இதுதான் வெற்றி. BSNLEU இதுல தோல்வி அடஞ்சிருச்சி. (இதுல மட்டுமா?) அந்த பென்சன் போராட்டம் ஆரம்பிச்சபோது வெளிநாட்டிலிருந்த வாஜ்பாய், அமைச்சர் பாஸ்வானை கூப்பிட்டு, ஒடனே   போய் குப்தாகிட்டே பேச்சு வார்த்தை நடத்தி உடன்பாடு போடுன்னார். அதே மாதிரி அமைச்சர் வந்து பேச்சுவார்த்தை நடத்தி உடன்பாடு போடப்பட்டது.
   2000 அக்டோபரிலிருந்து நாம பெற்று வர்ற IDA பென்சனில் உள்ள விதி 37-8 என்பது புரிந்து கொள்ளப் படவில்லை.   இதுல நாம போராடாம ஜெயிக்க முடியாது.   ஏற்ற, இறக்கம் பற்றி கவலைப்படாது,பென்சனைப்பெற்றாக வேண்டும்.
     இதற்கான போராட்டத்தை நான் துவங்கப் போகிறேன். மற்றவர்களையும் இதில் அழைத்துச் செல்வேன்.
இதில் வெற்றி பெறுவதுதான் வெற்றி.   தேர்தல் வெற்றி என்பது முழுமையான வெற்றி அல்ல, அப்படீன்னு  குப்தா பேசினார்.

நண்பன்: 90 வயசுல நம்ம BSNL தொழிலாளி மேல அவருக்கு இருக்கற அக்கறை மத்தவங்களுக்கும் வந்துட்டா எப்படி இருக்கும்!

வம்பன்: குடந்தையில் அந்த எழுச்சியை நான் கண்ணாரப் பார்த்தேன்! 500 பேருக்கு மேல வந்திருந்தாங்க. பேசிய தோழர்கள் எல்லாம் நெகிழ்வோடு பேசினாங்க. குப்தாவைப் பாத்துட்டு தோழர்கள் எல்லாம் ஆனந்தக் கண்ணீர் வடிக்காத குறைதான். குப்தாவுக்கு மலர்க் கிரீடம் வைத்து, ஆளுயர ரோஜா மாலைப் போட்டு, பாக்கவே கண்கொள்ளக் காட்சியா இருந்துது. எனக்கு வயசாயிருச்சு, உடம்பு சரியாக இருக்காது, கழுத்து தொங்கிக் கிட்டிருக்கு அப்படீன்னு நெனைக்காதீங்க, என் மூளை, மனசு எல்லாமே சரியா , மொறையாதான் இயங்கிக்கிட்டிருக்கு அப்படீன்னு, சொன்னாரே பார்க்கலாம். அந்தச் சதுக்கமே உணர்வலையில் அப்படியே ஆழ்ந்து விட்டது.

   இந்த அற்புதமான வாய்ப்பை நமக்கு தந்த குடந்தைத் தோழர்களை வாழ்த்தாத தோழர்களே இல்லைப்பா!

நண்பன்:
இன்னைக்கி நாம பேசினதுதான் மனசுக்கு ரொம்ப திருப்தியா இருந்திச்சு. நாளைக்கு சந்திப்போம் வம்பா!

பேட்டி தொகுப்பு:
உங்கள்
சிவசிதம்பரம்,
பட்டுக்கோட்டை.

தாத்தா பாட்டு!

2011-02-11T13:43:00.001+05:30

குப்தா எங்கள் தாத்தா

குணம் குன்றா தாத்தா.

ஒற்றுமைக்கு விலையாக

தன்னைத் தந்த தாத்தா.

என்னைப் பெற்ற தந்தைக்கு

ஏற்றம் தந்த தாத்தா

எல்லாம் உன்னால் வந்ததாலே

எண்ணி மகிழ்கிறோம் தாத்தாவே!

ஒன்பது பெரிய சங்கங்களை

ஒன்றாய் இணைத்த தாத்தாவே!

ஓராயிரம் பேதமிருந்தும்

ஒருங்கிணைத்த தாத்தாவே!!

அழுக்காய் திரிந்து அவதியுற்றோர்

மிடுக்காய் வாழ வழி வகுத்து,

மண்ணில் நீயும் மனிதனென்ற

மாண்பைத் தந்த தாத்தாவே!

உனது வாழ்க்கை நாங்கள் வாழ

ஆசி தாரும் தாத்தாவே!

உன்னை பெற்ற இந்த மண்ணு

உயர்வு பெறுது உன்னாலே!

தக்க தக திமி தாளம் போட்டு

ஆடுகின்றேன் தாத்தாவே!

உனது மடியில் விழுந்தெழுந்து

உருண்டோடவா தாத்தாவே!

குண்டு கன்ன தாத்தாவுக்கு

கொடுக்கும் முத்தம் தாராளம்.

கொஞ்சி உந்தன் தோளில் தொங்க

ஆசை எனக்கு ஏராளம்!

- எஸ். சிவசிதம்பரம், பட்டுக்கோட்டை.

5 வது ஊழியர் சரிபார்ப்பு தேர்தல்

2011-02-09T16:33:00.002+05:30

( சிறப்பு பார்வை )

BSNLEU சங்கம் - தொடர்ந்து 4 வது முறையாக வெற்றி பெற்றுள்ளது . மீண்டும்

" SINGLE UNION CONCEPT " தானா ? என்ற கேள்வி எழுகிறது . தேர்தல் ஜனநாயக

முறையில் நடந்து முடிந்துள்ளது .

ஆனால் சங்க அங்கீகாரம் என்ற நிலையில் ஜனநாயக படுகொலை நடக்ககூடாது .

இந்த முறை NFTE கூட்டணி வெற்றி பெற்று இருந்தால் ,

BONUS FORMULA - வில் மாற்றம் ,
பல்வேறு சிக்கல்கள் நிறைந்துள்ள 4 கட்ட பதவி உயர்வு ,
கருணை அடிப்படையில் வேலை - நிராகரிப்பு
LEAVE ENCASHMENT TO LIC
GROUP இன்சூரன்ஸ் WITH LIC
ROTATION TRANSFER (சுழல் மாற்றம் )
VRS / CRS திட்டங்கள்
78 .2 % IDA இணைப்பு
TTA TO JTO PROMOTION
WITH 30 % FITMENT TO TTA , RM /Gr " D " IN 01 .01 . 2007 WAGE REVISION
BSNL VIABILITY
PENSION
JOB SECURITY

மேலே குறிபிட்ட எல்லா அகில இந்திய பிரச்சினைகள் மீதும் தொடர்ந்து விவாதித்து , நல்லதொரு மாற்றம் பெற NFTE கூட்டணி வழிவகை கண்டிருக்கும்.

ஆனால் BSNL நிர்வாகமும் , வாக்களித்த ஊழியர்களும் இதை விரும்பவில்லை என்பது புரிகிறது.

தொடர்ந்து 10 , 15 வருடங்களுக்கு இந்த துறையை காப்பாற்ற பாடுபட்டோம்.

ஆனால் BSNLEU, மிக குறுகிய காலத்தில் எல்லாவற்றையும் முடிவிற்கு கொண்டு வந்துவிடும் .

தேர்தல் முடிவு எப்படி இருந்தாலும், NFTE தொடர்ந்து தனது போர்குணத்தை இழக்காது.

80300 ஊழியர்களின் நம்பிக்கையை பெற்றிருக்கிற தன்னிகரற்ற தனிப்பெரும் சங்கம் - NFTE

               விகிதாசார பிரதிநிதித்துவம் மற்றும் அங்கீகாரம் பெற நீதிமன்றத்தில் நமது உரிமையை கோருவோம் !!!
     நிர்வாகத்திலும் போராடுவோம் !!!
   கடமைகளால் களத்தை எதிர் கொள்வோம் !!!

Dissidence ,
      Discussion ,
           Different Point of Views
                                            Open Debate
These are the ways of DEMOCRACY .

   அலைகள் ஓய்வதில்லை

         Yours Friendly
   A.லைலாபானு Br.Secretary GM(O) , Thanjavur

குப்தா வருகிறார் குடந்தைக்கு!

2011-02-08T20:41:00.001+05:30

NFTE

பேரியக்கத்தின் பெருந்தலைவன்

தோழர் குப்தா அவர்கள்

வருகிற 11-02-2011 வெள்ளிக்கிழமை

மாலை 5 மணிக்கு

குடந்தையில் பேசுகிறார்.

நமது மாவட்டம் முழுமையிலிருந்தும் தோழர்கள் திரளாய் பங்கேற்க வேண்டுகிறோம்.

எழுச்சியுரை கேட்க

எல்லோரும் வருக!

நமது வாழ்வும் - ஆன்மாவுமான
தலைவனைக் காண
வாழ்நாளின் அரிய சந்தர்ப்பம்.
நழுவ விடோம்!

தோழா! தலைவா!! உம்மை யாம் வாழ்த்துகிறோம்!

2011-02-06T21:19:00.003+05:30

அருமைத் தோழர்களே! தோழியர்களே!! தலைவர்களே!!

உங்களை நன்றிப் பெருக்கோடு வாழ்த்துகிறோம். NFTE இம்முறை வென்றாக வேண்டும் என்று நீங்கள் உழைத்த உழைப்பு கொஞ்ச நஞ்சமல்ல.

பல மாநிலங்களில் வெப்சைட் இல்லாதபோது நம் தமிழகத்தில் மட்டும் எத்தனை மாவட்டங்கள் வலைத்தளம் துவங்கி, எப்படி எப்படியெல்லாம் செய்திகள் சேகரித்து, விபரங்களை வெளியிட்டு, சவால் விட்டு, அற்புதமாக கார்ட்டூன்கள் போட்டு,

அதே போல் நமது மகளிர் அணியினர் மாவட்டம்தோறும் பறந்து, பறந்து பரப்புரை செய்து,

தோழர்கள் கலை நிகழ்ச்சிகள் நடத்தி, துண்டறிக்கைகள் போட்டு, உறுப்பினர்களிடம் தேர்தல் நன்கொடைகள் வசூல் செய்து தேர்தலை திருவிழா போல் நடத்தி,

கூட்டணிச் சங்கப் பொறுப்பாளர்களின் குன்றா உழைப்பு குடும்ப உறவாய், இனி எவராலும் பிரிக்க முடியா உறவாய் பரிணமித்ததே,

அப்பப்பா! சொல்லி மாளுமா உங்களின் செயல்பாடுகள்.

தலைவர்கள் என்றால், தலைமை என்றால் இப்படி, இப்படி, இப்படித்தான் இருக்க வேண்டும் என்று உணர்த்தினார்களே! எனது வாழ்நாளில் அவர்கள் எடுத்துக் கொண்ட இதுமாதிரியான பிரம்மப் பிரயத்தனத்தை, கண்டதும் கிடையாது. சொல்லிக் கேட்டதும் கிடையாது.

மதுரை சேது, கடலூர் ஜெயராமன், RK, தமிழ்மணி, C.K. மதிவாணன், குடந்தை ஜெயபால், KSK, பட்டாபி இன்னும் விடுபட்டுள்ள பல தலைவர்கள், மாநில, மாவட்ட, கிளைச் சங்க நிர்வாகிகள் கொடுத்த மதிப்புமிக்க உழைப்பு. கொஞ்சமா! நஞ்சமா!! சொல்லும்போதே கண்கள் பனிக்கிறது. ஒரே தலைவர் அடுத்தடுத்த கூட்டங்களில் எவ்வாறு இப்படி புதுமையாக, வித்தியாசமாக, உணர்வு மேலிட, மறுதலிக்க முடியாத விபரங்களோடு, புதிய புதிய ஆளுமையோடு பேச முடிகிறது என்பதெல்லாம் இம்முறை நாம் கண்ட புதிய அனுபவம்.

தலைவர்களே! தோழர்களே!! அப்படி ஒரு கடப்பாடு, உற்சாகம் ஏன் உங்களுக்கு வரவேண்டும்! NFTE என்றால் அவ்வளவு விருப்பமா!
NFTE என்றால் அப்படி ஒரு பலம் உங்களுக்கு எப்படி வருகிறது.

குப்தா என்று சொன்னாலே போதும்! எல்லோருக்கும் குதூகலம் பொங்குகிறதே! எப்படி, எப்படிங்க!! பணியாற்றும் துறைக்காக, தொழிலாளிக்காக எந்த வித லாப நோக்கமின்றி, எதிர்பார்ப்பு ஏதுமின்றி நீங்கள் பட்டபாடுகள்! இன்றைக்கும் திரைக் காட்சியாய் விரிகிறதே!

அங்கீகரிக்கப்பட்ட சங்கத்திற்கே

இன்று நீங்கள்

ஆதர்ஷமாக ஆகி இருந்தாலும் வியப்பில்லை.

அப்படி ஒரு உழைப்பினை நல்கினீர்கள் .

தலைவா!! உங்கள் உழைப்புகள் நிச்சயம் வீணாகாது. உங்கள் அடிச்சுவட்டில் வெகு நேர்த்தியாக நடைபோட்டு, தொழிற்சங்க பாதையை, ஒழுங்கமைத்து, நிறைவாய் செப்பனிடுவோம் என்ற உறுதியைக் கூறி, உங்கள் அனைவரின் பாதம் தொட்டு வணங்கி மகிழ்கிறேன்.

அன்புடன்,

S. சிவசிதம்பரம்,

மாநிலத் துணைத் தலைவர்,

பட்டுக்கோட்டை.

தேர்தல் முடிவுகள்

2011-02-04T14:22:00.002+05:30

தேர்தல் முடிவுகள் ( தமிழகம் )

2011-02-03T12:00:00.011+05:30

தேர்தல் செய்திகள் ( தமிழகம் நீங்கலாக )

2011-02-03T11:19:00.009+05:30

SSA VOTE NFTE EU FNTO வெற்றி

CHENNAI STP 104    47 54    EU
CHENNAI STR    122    90    NFTE
CHENNAI CTO    254     61 150 EU
CHENGALPAT     986 503 396 NFTE
ALTTC
GAZIABAD    77 52    NFTE

நன்றி தோழர்களே!

2011-02-01T21:57:00.005+05:30

தேர்தல் பணியில் தங்களை ஈடுபடுத்திக்கொண்ட தலைவர்களே! தோழர்களே! தோழியர்களே!!உங்களுக்கு எமது நெஞ்சு நிறை நன்றியை காணிக்கையாக்குகிறோம்! BSNL தொழிலாளர் கூட்டணிக்கு ஆதரவளித்த தோழர்களுக்கும், வெற்றிக்கு வித்திட்ட தோழமைச சங்கத் தோழர்களுக்கும் எமது நன்றிப் பாராட்டுக்கள். கடுமையாக உழைத்தீர்கள்! காற்றாய்ப் பறந்தீர்கள்!! கைப் பணத்தை வாரி இறைத்தீர்கள்!! தமது இல்ல விழாபோல் கரைந்தீர்கள்! பசி மறந்து, தூக்கமிழந்து துறைக்காக, துறைசார் தொழிலாளிக்காக நீங்கள் தந்த உழைப்பு ஈடு இணையற்றது!

நன்றி தோழர்களே! நன்றி!!

உங்களை மீண்டும் வாழ்த்தி மகிழ்கிறோம்!

--------------------------------------------------------------------------
நமது மாவட்டத்தில் மொத்த வாக்குகள் : 888

பதிவானவை: 873

சதவிகிதம் : 98.3 %

வாக்குச் சாவடி வாரியாக:

மொத்த அஞ்சல்

வாக்குகள் பதிவானவை ஒட்டு பதிவாகாதவை
பட்டுக்கோட்டை : 92 90 2 0

திருத்துறைபூண்டி : 68 68 0 0

மன்னார்குடி : 110 108 1 1

திருவாரூர் : 164 159 3 2

தஞ்சாவூர் : 454 439 3 12

மொத்தம் : 888 864 9 15

தோழமையுடன்,

T. பன்னீர்செல்வம், S. பிரின்ஸ், T. பக்கிரிசாமி,

மாவட்டச் செயலர், மாவட்டத் தலைவர், மாவட்ட பொருளர்,

தஞ்சை . தஞ்சை தஞ்சை.

தோழர் செல்லப்பாவின் அறியாமை!

2011-01-31T19:22:00.000+05:30

தோழர்களே வணக்கம்!

BSNLEU சங்கத்தைப் பற்றி, அதன் அறியாமை, இயலாமை, முயலாமை, கையாலாகாத்தனம் சரணாகதிப் போக்கு இவை யாவற்றையும் பற்றி, நமது மாநிலச் சங்கப் பத்திரிகை " ஒலிக்கதிர் " தேர்தல் சிறப்பிதழில் ஏராளமான விஷயங்கள்

வெளிவந்துள்ளது. கூட்டங்களிலும் பேசி வருகிறோம்.

இவைஎதற்கும் பதில் சொல்லத் தயாரில்லை BSNLEU சங்கமும், செல்லப்பாவும்.

பணி ஒய்வு நாளன்று EL பணம் அந்தத் தொழிலாளருக்கு ஒரே நாளில் கிடைத்து வந்தது. அதுவும் நம்பூதிரி காலத்தில் LIC க்குப் போய்விட்டது. இதைக் கொடுக்கும் முன்பாக நிர்வாகத்திடம் விவாதித்திருந்தால் RELIANCE ல் உள்ளது போல் RISK COVERAGE ஐ கொண்டு வந்திருக்கலாம்.

இவர்கள் ஒத்துக் கொண்டிருக்கிற இன்சூரன்ஸ் திட்டத்தில் எந்த RISK பலனும் இல்லை. ஒரு உதாரனத்திற்க்காகத்தான் RELIANCE COMPANY கோடிட்டுக் காட்டப்பட்டுள்ளது. RELIANCE COMPANY இடம் ஏன் இதைக் கொண்டுபோய்ப் போடவில்லை என்று நாம் கேட்கவில்லை! RELIANCE க்கு நாம் வக்காலத்தும் வாங்கவில்லை.

1800 கோடி ரூபாயை RELIANCE COMPANY க்கு TRAI தள்ளுபடி செய்து BSNL க்கு நஷ்டத்தை உருவாக்கிய போது நீங்கள்தான் அங்கீகரிக்கப்பட்ட சங்கம். அப்போது வாய்மூடி மவுனியாகவும் இருந்தீர்கள்.

செல்லப்பா & CO. பொதுத்துறை நிறுவனத்தை காப்போம் என்று சொன்னதை நமது தோழர்கள் அனைவரும் BSNL பொதுத் துறையைத்தான் சொல்கிறார்கள் என்று நம்பி இருந்தார்கள். இப்போதுதான் புரிகிறது அவர் LIC பொதுத் துறையைத்தான் காப்பதாகக் கூறினார் என்பது.

நெருங்கிக் கேட்டால் நாங்கள் பொதுத் துறையைத்தான் காப்போம் என்றுதான் சொன்னோமே தவிர எந்தப் பொதுத் துறை என்று சொன்னோமா! என்று கேட்கக் கூடும். BSNLEU சங்கத்திற்குத் தொழிற்சங்கம் பற்றித்தான் தெரியாமல் இருந்தது. தமிழும் தெரியாது என்று இப்போது புரிகிறது.

இனியாவது

தமிழை தரவாய் அறிக... ஒலிக்கதிரை ஒழுங்காய்ப் படிக்க....

BSNL தொழிலாளியிடம் சந்தா வாங்கிக் கொண்டு LIC க்கு விசுவாசம் காட்டும் BSNLEU வைப் புறக்கணிப்போம்!

BSNL ஐ வாழ வைப்போம்!

NFTE ஐ ஆதரிப்போம்!

எங்களுக்குப் பதில் தான் சொல்லவில்லை, ஒரு கேள்வி கூடவா எங்களிடம் கேட்கக் கூடாது என்ற ஆவலைப் பூர்த்தி செய்த செல்லப்பாவுக்கு நன்றி!

தோழமையுடன்,

K. நடராஜன்,

மாநிலத் துணை செயலர்,

தஞ்சை.

வருக தோழர்களே! வருக!!

2011-01-31T18:00:00.000+05:30

     BSNL தொழிலாளர் கூட்டணிக்கு வலு சேர்க்க வந்திருக்கும் தோழர்களே! உங்களை நெஞ்சு நிறை நன்றியோடு வரவேற்கிறோம்!

BSNLEU விலிருந்து ........
     தோழர். U. கணேசன், TM, மதுக்கூர்.
     தோழர். M.S. ராஜேந்திரன், TM, மதுக்கூர்.
BSNLEU விலிருந்து கூட்டணிச் சங்கம் SNATTA விற்கு.....
     தோழியர். நித்யா, TTA, மதுக்கூர்.

2011-01-29T21:33:00.001+05:30

2011-01-29T11:32:00.000+05:30

BSNL தொழிலாளர் கூட்டணிக்கு வலு சேர்க்க வலம் வரும் 10 சங்கங்கள்

பணத்திற்கு - பதவிக்கு ஆசைப்படாது,

வாழவைத்த துறையை வாழ்விக்க பேரம் பேசாது,

தனித்தன்மையை காட்டுகிறேன் என்ற போர்வையில்

துரோகத்திற்கு துணை போகாது,

இந்தத் தருணத்தில் உதவாது

வேறு எப்போது என்னால் உதவ முடியும்

என்று கரம் கோர்த்த தலைவர்களை வாழ்த்தி வணங்குகிறோம்!

நம்பூதிரி ஏமாந்தாரா! ஏமாத்துறாரா!! S. சிவசிதம்பரம், பட்டுக்கோட்டை.

2011-01-27T14:15:00.001+05:30

நம்பூதிரி ஏமாந்தாரா! இல்லை ஏமாத்துறாரா!! எது நடந்தாலுமே ஊழியருக்கு நஷ்டம்தான்! EU சங்கத்தின் உறுப்பினர்களே! உங்கள் தலைவரைப் பற்றி குற்றம் சொல்கிறேன் என்று கோபப்படாதீர்கள்! தலைமையிடம் சரியா தவறா என்று கேட்டுச் சொல்லுங்கள் அல்லது நீங்களாவது கேட்டுப்புடுங்க.

தவறு, தப்பு எல்லாமே இன்னைக்கி மூட்டையா குமிஞ்சிரிச்சி. அதை கொறைக்கணும், அல்லது உணரவாவது வைக்கணும். தேர்தல் நாள் நெருங்கிருச்சி! தொண்டர்கள் ஆகிய நாம எடுக்கிற முடிவுதான் நமக்கு நல்ல வாழ்க்கையை அமைச்சித் தரும்.

சரிதானே! இப்ப விஷயத்துக்கு வர்றேன்!

LEAVE ENCASHMENT க்காக நம்ம டிபாட்மென்ட் பணம் 4853 கோடி ரூபாயை இப்ப LIC இல போட்டிருக்காங்கள்ள, அந்த பணத்த வங்கியில போட்டா 8.5 % வட்டியா ரூபாய் 420 கோடி நமக்கு தருவாங்க. அத 2.75 லட்சம் பேருக்கு பிரிச்சா 15000 ரூபாய் கெடைக்கும்ல. ( அண்ணன் கால்குலேட்டர் போய் சொல்லாதுன்னே!).

அதை நம்ம தோழருக்கு போனசா கொடுக்கலாம்ல. இதை ஏன் அவர் செய்யக் கூடாது. LIC இல இந்த தொகையை பிரீமியமா கட்டுனதால அங்க உள்ள எல்லா LIC ஊழியருக்கும் 3 % இன்செண்டிவாங்க. கடைத் தேங்காயை எடுத்து வழிப் பிள்ளையாருக்கு ஓடைக்கலாமா? இவருக்கு ஏதும் கமிஷன் கொடுத்தாங்களா! அது நமக்குத் தெரியாது.

அது மட்டுமில்ல, இந்த LEAVE ENCASHMENT தொகை (10 நாள் சரண்டர் பண்ணுனா 10 நாள் சம்பளம்) குடுத்ததுக்காக நம்ம CMD க்கு அபிமன்யு எப்படி லெட்டர் எழுதியிக்கிறார் பாத்தீங்களா! போனஸ் இல்லேன்னா நீங்க எப்படி 10 நாள் சம்பளத்தைக் கொடுக்கலாம்? எந்தச் சங்கம் உங்களிடம் கோரிக்கை வைத்தது? ஏன் இப்படி செய்தீர்கள்? என்று எழுதியிருக்கிறாரே! இது நியாயமா? தொழிலாளிக்கு போனஸ் தான் கெடைக்கலே, இதாவது கெடைச்சுதே என்று ஆறுதல் படுவார்னு பாத்தா கோவப்படுறாரே! சரியா.

கோவப்படுற நேரத்திலே கோட்டை விட்டுட்டு, அமைதியா இருக்குற நேரத்துல கொவப்படுரார! இவர வச்சி வாழ முடியுமா! நீங்களே சொல்லுங்க!

3 பீரியடு அங்கீகாரத்துல இருந்தும் அன்னைலேயிருந்து உள்ள 40 க்கு மேற்பட்ட கோரிக்கைகளை இன்னைக்கும் வச்சிருக்கார்னா, எப்படிங்க!

அண்ணே! யோசிங்கண்ணே !!

வெற்றிக் கூட்டணியில் இன்று பகுஜன்!

2011-01-25T22:25:00.000+05:30

நமது அணியில் பகுஜன் தொழிற்சங்கமும் இணைந்துள்ளது. இதோடு 10 சங்கங்கள் BSNL தொழிலாளர் கூட்டணிக்கு ஆதரவளித்துள்ளது.

NFTE, SNATTA, ATM, WRU, ES SEWA, PEWA, AIBCTES, BSNLEC, & BTU.

BTU வை வாழ்த்தி வரவேற்கிறோம்!

புதிய உதயம்

2011-01-25T22:12:00.000+05:30

குடந்தையில் இன்று தோழர் R.K அவர்களால் வலைத்தளம் துவங்கப் பட்டிருக்கிறது. BSNL தொழிலாளர் கூட்டணிக்கு வாக்குகள் கேட்டு பயணத்தை துவங்கியிருக்கும் கும்பகோணம் CRDA மாவட்ட வலைத்தளம் வெல்லட்டும் என்று கூறி வாழ்த்துகிறோம்.

அன்புடன்,

S. சிவசிதம்பரம்,

தஞ்சை வலைதளத்திற்காக.

வருக தோழர்களே! வருக!!

2011-01-25T21:50:00.007+05:30

BSNL தொழிலாளர் கூட்டணிக்கு வலு சேர்க்க வந்திருக்கும் தோழர்களே! உங்களை நெஞ்சு நிறை நன்றியோடு வரவேற்கிறோம்!

இன்று காலை வேதாரண்யத்தில் நடைபெற்ற தேர்தல் பிரசாரக் கூட்டத்தில் கீழ்க்கண்ட தோழர்கள் தங்களை NFTE பேரியக்கத்தில் இணைத்துக் கொண்டனர்.

BSNLEU விலிருந்து.....

தோழர். B. செங்குட்டுவன், TM, செம்போடை.

தோழர். E. முருகையன், TM, கரியாப்பட்டினம்.

தோழர். G. ராஜேந்திரன், TM, ஆயக்கரம்பலம்.

TEPU விலிருந்து .......

தோழர். V. பன்னீர்செல்வம், TM, செம்போடை.

BSNLEU வின் கார்ட்டூன் சொல்லும் கதை!

2011-01-24T21:36:00.000+05:30

DOT மற்றும் BSNL என்கின்ற ஆலமரத்தை NFTE தோழர்களும், கூட்டணித் தோழர்களும் ( ஏற்கெனவே அவர்களை நம்பி இருந்தவர்களும் ) வெட்டி வீழ்த்துகிறார்களாம்.

முழுக்க வெட்டி வீழ்த்திய பின், அது இனி துளிர்க்கவே துளிர்க்காது என்று உறுதி செய்த பின் புரட்சிக்காகவே பிறந்த BSNLEU தோழர்கள் அதைத் தாங்கிப் பிடிக்கிறார்களாம்.

கற்பனை என்று சொன்னாலும் உண்மையை உணர்த்திய இந்த கார்ட்டூனுக்கு நமது வாழ்த்துக்கள்!

இப்படி BSNL முற்றாக அழியும்வரை நீங்கள் வேடிக்கை பார்த்ததால் தான் உங்களை அடியோடு அகற்றிட கூட்டணித் தோழர்கள் போராடிக் கொண்டிருக்கிறோம்.

2004 ல் BSNL வைத்திருந்த 40 ஆயிரம் கோடி உங்கள் காலத்தில் முற்றாக அழிந்து விட்டதல்லவா. அதே போல் ஆண்டுக்கு 10000 கோடி பெற்று வந்த லாபம் செத்து இன்று நட்டம் என்றாகி விட்டதல்லவா, எல்லோருக்கும் கிடைத்த போனஸ் இன்று உமது காலத்தில் எவர்க்கும் இல்லை என்றாகி விட்டதல்லவா! இன்னும் எதை அழிக்க இப்படி அலைகிறீர்கள்!

தேர்தல் தரும் பாடத்தை உணர்வீர்கள் என்று நம்புகிறோம்!!

வருக தோழர்களே! வருக!!

2011-01-24T20:57:00.000+05:30

குடந்தைக் கோட்டம் தேர்தல் பிரசாரத் துவக்க விழா நாகையில் நடைபெற்றது. தலைவர்கள் G. ஜெயராமன், மதுரை சேது, குடந்தை ஜெயபால், பட்டுக்கோட்டை சிவசிதம்பரம் ஆகியோர் பங்கேற்ற கூட்டத்தில் கீழ்க்கண்ட தோழர்கள் தங்களை NFTE பேரியக்கத்தில் இணைத்துக் கொண்டனர்.

BSNLEU விலிருந்து

தோழர். ராஜேந்திரன், TM அவர்கள்.

FNTO விலிருந்து

தோழர் சன்மார்க்கம், TM அவர்கள்.

தோழர்களின் வருகை நமது

எதிர்காலச் செயல்பாட்டிற்கு உவகை.

நன்றி தோழர்களே!!

தஞ்சை மாவட்ட தேர்தல் பிரசார கூட்ட விபரம்.

2011-01-24T20:42:00.000+05:30

கூத்தாநல்லூரைத் தொடர்ந்து மாவட்டம் முழுவதும் பிரசாரக் கூட்டங்கள் சிறப்பாக நடைபெற்று வருகிறது.

20-01-11 அன்று தஞ்சையில் தலைவர்கள் தமிழ்மணி, பட்டாபி மற்றும் கூட்டணிச் சங்கத் தலைவர்கள் கலியபெருமாள் SNATTA, ஜெயராஜ் AIBCTES, பழனியப்பன் ATM, KSK ஆகியோர் பங்கேற்ற சிறப்புக் கூட்டம் நடைபெற்றது.

22-01-11 அன்று ஒரத்தநாட்டில் தேர்தல் பிரசாரக் கூட்டம் நடைபெற்றது.

இனி நடக்க இருப்பவை:

25-01-2011 மாலை 5 மணி திருத்துறைப்பூண்டி

கூட்டணிச் சங்கத் தலைவர்கள்

கலியபெருமாள் SNATTA, ஜெயராஜ் AIBCTES,

பழனியப்பன் ATM, மற்றும் NFTE மாவட்ட, மாநிலச் சங்கப் பொறுப்பாளர்கள் பங்கேற்கின்றனர்.

27-01-2011 மாலை 5 மணி பாபநாசம்.

சிறப்புரை:

தோழர் குடந்தை ஜெயபால் அவர்கள்.

கூட்டணிச் சங்கத் தலைவர்கள்

கலியபெருமாள் SNATTA, ஜெயராஜ் AIBCTES,

28-01-2011 காலை 10 மணி மன்னார்குடி

சிறப்புரை:

தோழர் குடந்தை ஜெயபால் அவர்கள்.

கூட்டணிச் சங்கத் தலைவர்கள்

கலியபெருமாள் SNATTA, ஜெயராஜ் AIBCTES,

28-01-2011 மாலை 5 மணி திருவாரூர்.

சிறப்புரை:

தோழர் குடந்தை ஜெயபால் அவர்கள்.

கூட்டணிச் சங்கத் தலைவர்கள்

கலியபெருமாள் SNATTA, ஜெயராஜ் AIBCTES,

29-01-2011 மாலை 5 மணி பட்டுக்கோட்டை.

சிறப்புரை: மதுரை சேது அவர்கள்.

கூட்டணிச் சங்கத் தலைவர்கள்

கலியபெருமாள் SNATTA, ஜெயராஜ் AIBCTES,

30-01-2011 காலை 10 மணி

தஞ்சாவூர் CTO வளாகம்.

சிறப்புரை:

தோழர். R. K. அவர்கள்.

தோழர் குடந்தை ஜெயபால் அவர்கள்.

கூட்டணிச் சங்கத் தலைவர்கள்

கலியபெருமாள் SNATTA, ஜெயராஜ் AIBCTES,

தோழர்கள் திரளாய் பங்கேற்க அன்புடன் வேண்டுகிறேன்.

தோழமையுடன்,

T பன்னீர்செல்வம்,

மாவட்டச் செயலர், தஞ்சை.

வருக தோழர்களே! வருக!!

2011-01-23T14:15:00.002+05:30

BSNL தொழிலாளர் கூட்டணிக்கு வலு சேர்க்க வந்திருக்கும் தோழர்களே! உங்களை நெஞ்சு நிறை நன்றியோடு வரவேற்கிறோம்!

BSNLEU விலிருந்து NFTE க்கு.

தோழர் R. சக்திவேல், TM,நீடாமங்கலம்.

தோழர் பாலுச்சாமி, TM, பாப்பாநாடு.

FNTO விலிருந்து NFTE க்கு.

தோழர். Brother. S. ராஜேந்திரன், STSO, மன்னார்குடி.

தோழர். A. செல்லையன், STSO, மன்னார்குடி.

தோழர். இளஞ்செழியன் TM, பாபநாசம்.

FNTOBEA விலிருந்து ATM க்கு

தோழர். R. மணி, RM, திருவாரூர்.

தோழர். G. முருகையன், TM, திருவாரூர்.

இன்னும் 40 க்கும் மேற்பட்ட தோழர்கள் BSNLEU விலிருந்து நமக்கு வாக்களிக்கவும், இணையவும் விருப்பம் தெரிவித்திருக்கிறார்கள். அங்கீகரிக்கப்பட்ட சங்கத்தின் தொந்தரவுகளுக்கு ஆட்படாதிருப்பதற்காக பெயரினை வெளியிடாதிருக்கிறோம். தேர்தலுக்குப் பின் சந்தாப் படிவத்தில் கையெழுத்திட்டுத் தரும்போது பெயர் விவரம் வெளியாகும்.

அன்புடன்,

S. சிவசிதம்பரம்,

பட்டுக்கோட்டை.

நண்பனும் வம்பனும்!

2011-01-19T22:25:00.001+05:30

Part 3:

நண்பன்:

வணக்கம் தோழரே! EU வோட தேர்தல் சிறப்பிதழ் பார்த்தீங்களா! ரொம்ப கலர்புல்லா அசத்தியிருக்கிறாங்க .

வம்பன்:

பாத்தேன் தோழரே! நல்ல கவர்ச்சிகரமா இருக்கு. ஜனங்கள மடையனா நினைச்சு நறையா எழுதியிருக்காங்க. EU காரனே குழம்பிப் போற அளவுக்கு எழுதியிருக்காங்கன்னா நீங்க பாத்துக்க வேண்டியதுதான்!

நண்பன்:

ஒங்க பாணி பதில்தான் ரொம்ப வெவரமா இருக்குன்னு சொல்றாங்க! ஒன்னு ஒண்ணா சொல்லுங்களேன்!

வம்பன்:

நீங்களும் ஒரு வருஷம் EU வுக்கு போயிட்டு வாங்களேன்! என்ன விட பிரமாதமா பின்னிடுவீங்க தெரியுமா? என்னா ஒன்னு, வெவரம் தெரிஞ்சவங்க, கேள்வி கேக்குறவங்க அங்க ஒரு நாள் கூட இருக்க முடியாது.

நண்பன்:

தோழரே! நீங்க ரொம்பதான் நொந்திருக்கீங்கன்னு தெரியுது. சரி. விஷயத்துக்கு வாங்க!

வம்பன்:

ஸ்பெக்ட்ரம் ஊழல் பத்தி வாயே தொறக்காத EU இப்ப 1,76,000 கோடி ஊழல் பத்தி எழுதுனவொன்ன, நான் ஆச்சரியப்பட்டு படிச்சா அந்த பக்கத்துல ஒரு எடத்துல கூட ராசாவோட பேர் வரலங்க. எப்படி கூட்டணி தர்மத்தை காப்பாத்துறாங்க பாத்தீங்களா!

அப்புறம் பாத்தீங்கன்னா! சாதனைப் பட்டியல்! பங்கு விற்பனையை தடுத்து, VRS ஐ தடுத்து, ஊதிய உயர்வைக் கொடுத்து, பதவி உயர்வைத் தந்து, போனசிலே போராடி அது இதுன்னு எழுதி தள்ளியிருக்காரு.

தேர்தல் வாக்குறுதியில பாத்தீங்கன்னா, அதே சாதனைப் பட்டியல் செய்திதான். எப்படி இவங்களால மட்டும் இப்படியெல்லாம் எழுத முடியுதுன்னு எனக்கு ஓரே ஆச்சரியம்! .

நாம எதிர்பாக்குற எந்த விளக்கமும் அவங்களால கொடுக்க முடியாம தடுமார்றாங்க, தெரியுமா!

நண்பன்:

நாம எதிர்பாக்குற வெளக்கம் என்னான்னு மறுபடியும் கொஞ்சம் சொல்லுங்களேன்!

வம்பன்:

ரொம்ப அவுங்களைப் போட்டுக் காய்ச்சாம நறுக்குன்னு நாலு கேள்வி மட்டும் கேக்கறேன் நண்பரே!

1. பரிச்சை இல்லாம பதவி உயர்வுன்னு முதல் தேர்தல்ல சொன்னாங்களே! அது தொடருதா! இல்லையா! இல்ல அத கோரிக்கை லிஸ்ட்ல இருந்து எடுத்துட்டாங்களா!

2. போனசுக்காக டிசம்பர் 1, 2 ல எல்லாரும் சேந்து JAC சார்பா வேலை நிறுத்தம் செஞ்சோமே! அத ஏன் வாபஸ் வாங்கினாங்க? CMD வேலை நிறுத்தத்தை வாபஸ் வாங்குங்க! லாபம் வந்த ஒடனே ஒங்களுக்கு போனஸ் தர்றேன் அப்படீன்னதால வாபஸ் வாங்கினேன்னு அபிமன்யு சொல்றாரே! அவருக்கு, எப்பவுமே நிர்வாகம் இது மாதிரித்தான் வேண்டுகோள் வைக்கும் என்று வேலை நிறுத்தம் அறிவிக்கும்போதே தெரியாதா!

3. இந்த இரண்டு நாள் போராட்டத்தில் தோழர் அபிமன்யு ஏன் கலந்து கொள்ளவில்லை? அவருக்கு சம்பள வெட்டு வராமல் பார்த்துக்கொள்ளவ!!

4. சரி, அப்படித்தான் வேலை நிறுத்தம் வாபஸ் பெறப்பட்டதே, அதே கோரிக்கையை வைத்து மீண்டும் ஜனவரியில் ஆர்ப்பாட்டம் வைத்தாரே! அது எதற்க்காக? வேலை நிறுத்தத்தை விட ஆர்ப்பாட்டம் வெற்றியை அளித்து விடுமா?

5. 1.1.2007 அன்று வரவேண்டிய சம்பளக் கமிச்னுக்கு 2006 லேயே குறிப்பு கொடுக்க வேண்டிய நம்பூதிரி 2009 வரை ஏன் கொடுக்கவில்லை? ஊழியர்களுக்கு கிடைக்கக் கூடாது என்றா! எலெக்சன் வரைக்கும் தள்ளிப் போட வேண்டும் என்பதற்க்காகவா! அல்லது குறிப்பு கொடுக்க தெரியாததாலா! அப்படி தாமதமாக 40 மாதம் கழித்து அறிவித்த வேளையில், 78.2 % IDA இணைப்பு பொதுத் துறைக்கு உண்டு என்று நீதி மன்றத்தால் அறிவிக்கப்பட்ட வேளையில் அதைக் கோரிப் பெறாதது எதனால்?

6. 4 கட்ட பதவி உயர்வு என்பது நம்பூதிரி கேட்ட ஒன்று அல்ல. அது அதிகாரிகளுக்கு கொடுக்கும் போது அதே மாதிரி பெறப்பட வேண்டிய ஒன்று. சரிதானே! ஒரு பதிவு செய்யப்பட அதிகாரிகள் சங்கம் 4-4-4-4 என்று பெரும் போது, அங்கீகாரம் பெற்ற சங்கம் அதை ஏன் 4-7-7-8 என்று பெற வேண்டும்?

போதுமா தோழரே!

நண்பன்:

போதும் தோழரே! போதும்! சொல்லச் சொல்ல எவ்வளவு இழப்புகள் EU வின் கையாலாகாத்தனத்தினால் ஏற்பட்டிருக்கிறது என்பதை என்னும்போது ரொம்ப வேதனையா இருக்கு! இதற்கு பதில் சொல்கிறார்களா பார்ப்போம்!

வம்பன்:

பதில் சொல்லவே மாட்டாங்க!! அவுங்களைப் பத்தி எனக்கு ரொம்ப நல்லாவே தெரியும்!

நேர்மையான சங்கம்னா பதில் சொல்லியே தீரும். EU தோழர்கள் அவுங்களோட தலைமையை கட்டாயப் படுத்தி பதில் வாங்கினாத்தான் உண்டு. நாம போய் கட்டாயப் படுத்த முடியுமா!

தொடரும்...........

பேட்டி தொகுப்பு

உங்கள் சீனாதானா

நண்பனும் வம்பனும்!

2011-01-15T14:37:00.000+05:30

Part 2:

நண்பன்:

என்னா தோழரே! நம்பூதிரியோட பச்சைப் பொய்யை அழகாப் புட்டு புட்டு வைச்சீங்க! இன்னைக்கு என்னா சொல்லப் போறீங்க?

வம்பன்:

இன்னைக்கும் ஒரு மோசம்போன கதைதான். சொல்றேன் கேளுங்க. போனசே மத்திய அரசு ஊழியருக்கு இல்லாத காலத்திலே ஒனக்கும் உண்டுடா போனஸ் என்று சொல்லி நம்ம தாத்தன் குப்தா போராடி ஜெயிச்சு 15 நாள்ல ஆரம்பிச்சு 77 நாள் வரைக்கும் போனசைக் கொண்டு போய் நிருத்தினார்ல! அது இன்னைக்கி என்னாச்சு?

நண்பன்:

இல்லாத ஒண்ணாச்சு. அதானே!

வம்பன்:

அது இல்லாம போனதுக்கு முக்கிய காரணம் என்னா தெரியுமா?

நண்பன்:

அதான் எனக்கும் புரியாமப் போச்சு. அது இல்லாமப் போனா நமபூதிரிக்குத்தானே கெட்ட பேரு.. எதுனால இப்படி ஆச்சு? ஆனாலும் BSNL நஷ்டத்துல இருக்கும்போது எப்படிங்க போனஸ் கொடுக்க முடியும்?

வம்பன்:

இதான், இதான்! அந்த ஆளுக்கு மூலதனம். இப்படிச் சொல்லித்தான் அந்த ஆளும் காலத்தை ஓட்டிக்கிட்டிருக்காரு! நீங்களும் நம்பிக்கிட்டிருக்கிறீங்க! வெவரமாச் சொல்றேன் கேளுங்க?

நம்பூதிரிக்கு மொதல்ல குப்தா எதைச் செஞ்சாலும் புடிக்காது. PLI போனஸ் அதாவது உற்பத்தியோடு இணைந்த போனஸ் என்பது குப்தா கொண்டு வந்தது. அத லாபத்தோடு இணைந்த போனஸ் அப்படீன்னு நம்பூதிரி மாத்தினார். மாத்தினதோடு மட்டுமில்லாம வருஷத்துக்கு 50000 கோடிக்கு மேலே லாபம் வந்தா எனக்கு 10000 போனஸ் தரனும்னார்.

நிர்வாகமும் ரொம்ப நாளா இது மாதிரியான ஆளைத்தான் தேடிக்கிட்டு இருந்திருக்கும் போலிருக்கு. ஒடனே OK சொல்லிருச்சு.

லாபம் போச்சா! போனஸ் போயே போச்சு!!

தன்னோட தெறமை எந்த அளவுக்கு இருக்குன்னு அவருக்கே தெரியல்லே! அதுனால வந்த சிக்கல்தான் இது. பக்கத்துல போஸ்டல்ல ED க்கு இந்த வருஷம் 6000 ரூவா போனஸ். நம்ம கேசுவல் லேபர்க்கு நாம 2000 ரூவா வாங்கிக் கொடுத்திருக்கிறோம்.

ஆனா நமக்கு இல்லாமப் போயிருச்சி.

நண்பன்:

இருந்தாலும் நான் வாங்கிக் கொடுத்திடுவேன். அதுக்காகத்தான் டிசம்பர் 1,2 ல போராட்டம் சேந்து பண்ணோம். இப்பக் கூட ஆர்ப்பாட்டம் வச்சிருக்கோம் தெரியுமா என்று சொல்றாரே!

வம்பன்:

JAC அதாவது அதிகாரிகள் உள்பட அனைத்து ஊழியர்களும் சேர்ந்து போராடியும் கிடைக்காத ஒன்று, தனியா EU மட்டும் போராடினா கெடைச்சிருமா என்ன?

அதோடு மட்டுமல்ல தோழர்! நம்பூதிரி தோழர்கள் கிட்டே நாம அங்கீகாரத்தில் இருந்த போது எப்படி போராட்டம் நடத்தினோம். இப்போ அபிமன்யு எப்படி நடத்துரார்னு தெளிவா கேக்கணும் .

பேருதான் அபிமன்யு! ஒரு வியூகம் கூடவா வகுக்கத் தெரியாது. போராடுவாராம். CMD கேட்டுக்குவாராம்! இவுரு வாபஸ் வாங்கிடுவாராம்! அப்புறம் அதுக்காகவே ஆர்ப்பாட்டம் நடத்துவாராம். என்ன சின்னப்புள்ளத்தனமா இருக்கு!

வம்பன்:

இப்ப நம்பூதிரித் தோழர்களே ரொம்ப பீல் பண்றாங்க தெரியுமா? இவுங்கள நம்பி, இவுங்களுக்கு ஆதரவா இருந்து 6 வருஷத்தை வீணடிசுட்டமேன்னு சிலர் வேதனைப்படுறாங்க. சிலர் ஆத்தமாட்டாதவன் இடுப்பிலே அம்பத்திரெண்டு கருக்கருவாள் எதுக்குன்னு கிண்டலும் பண்றாங்க தோழரே!

நண்பன்:

அதுனாலதான் காசக் குடுத்து சங்கத்த ஒடைச்சி, எப்படியாவது ஜெயிச்சிப் புடலாம்னு பாக்குறாரு.

வம்பன்:

இந்த முறை அது நடக்காது. அவரு கனவு கண்டுக்கிட்டே இருக்க வேண்டியதுதான். சரிங்க தோழரே! நாளைக்கி நேரம் இருந்தா சந்திப்போம்.

பேட்டி தொகுப்பு:

உங்கள் Seenathaana

பொங்கல் திருநாளில் புலரட்டும் நல் மாற்றம்!!

2011-01-14T22:13:00.000+05:30

விளைந்த வெள்ளாமை வீட்டுக்கு வர வேண்டும்

விவசாயி வாழ்வு வெளிச்சம் பெற வேண்டும்.

2010 -ல் இழந்தவை ஏராளம்

அது தொடரலாமா தாராளமாய் இவ்வாண்டும்?

DOT இடமிருந்து BSNL பொதுத் துறைக்கு

என்னென்ன எடுத்து வந்தது NFTE அன்று.

போனசும், பென்சனும், துறையின் நிதி ஆதாரமும்

ஊழியர் வாழ்வாதாரமும்

போராடிப் பெற்றிட்ட புதுமைப் பயன்அன்றோ!

கானல் நீராய் அது இன்று காட்சியளிக்க விடலாமா!

கையிருப்பும் கரைந்து,

துறை வருமானமும் மறைந்து

வாடும் பயிராய் இன்று வதை படுவது யாராலே!

வெற்று ஆரவாரம், பொதுமைப் புரட்சி வேடம்

குறுக்கு வழிச் சிந்தனைகள், கூடா நட்புக்கள்

இவையனைத்தும் கொள்கையாய்க் கொண்டிட்ட

EU வின் தலைமை இனி நமக்கு தேவைதானா?

நல்லதொரு விடியல் நமக்கினி வந்திடவே!

செழுமையாய் உழைத்திடுவீர்!

செயலூக்கம் பெற்றிடுவீர்!!

இனிய நல் பொங்கல் வாழ்த்துக்கள்!

அன்புடன்,

S. சிவசிதம்பரம்,

பட்டுக்கோட்டை.

இனிய பொங்கல் நல்வாழ்த்துகள்

2011-01-14T19:34:00.004+05:30

WWW.NFTETNJ.BLOGSPOT.COM