தினம் ஒரு கருத்து

வலைதளப் பார்வையாளர் கவனத்திற்கு.... மிக முக்கியமான பதிவுகள் WEBSITE ன் வலது புறத்தில் தலைப்பிட்டு வரிசையாக இருக்கும். அதில் உங்களுக்கு பிடித்த பகுதியை கிளிக் செய்து பார்க்கவும்.

Saturday, October 23, 2010

கேரள காம்ரேட்களின் கம்யூனிகேஷன் பார்ட்னர்.

     கேரள மார்க்சிஸ்ட் கம்யூனிஸ்ட் கட்சியின் நாளிதழ் " தேசாபிமானி ".   கேரள மாநிலம் முழுவதும் இப் பத்திரிக்கைக்கான தொலைத் தொடர்புச் சேவையை வழங்கி வந்தது BSNL.  இப்பொழுது எந்தவித முன்னறிவிப்புமில்லாமல் BSNL சேவைகளை துண்டித்துக்கொண்டது தேசாபிமானி  பத்திரிகை.
     ஏன்? BSNL சேவை திருப்தியாக  இல்லையா? 
     இப்போது  மார்க்சிஸ்ட் "தேசாபிமானி" தனக்கு சேவை தர புதிய கம்யூனிகேஷன் பார்ட்னர் ஒருவரை ஒப்பந்தம் செய்து கொண்டுள்ளது. 
     யார்? அந்த புதிய பார்ட்னர்!      ரிலையன்ஸ் கம்யூனிகேஷன்.
ஆச்சரியமாக இருக்கிறதா!
     ISD கால்களை லோக்கல் கால்களாக தில்லு முல்லு செய்து பல ஆயிரம் கோடிகள்  BSNL வருமானத்தை கொள்ளை கொண்டதே  அதே ரிலையன்ஸ்தான்.
     தகிடுதத்தம் செய்வதையே வணிக தர்மமாகக் கொண்ட அந்த ரிலையன்ஸ்தான்.
  இடதுசாரிகள்  மட்டுமல்ல!   நாடு முழுவதும் உள்ள நடுநிலையாளர்களின்  கண்டனங்களை பெற்று வரும் ரிலையன்ஸ்!
     அந்த ரிலையன்ஸ்தான் இப்போது கேரள காம்ரேடுகளின் புதிய கம்யூனிகேஷன் பார்ட்னர்.   
   மாற்றுச் சங்கங்களே இல்லையென்ற நிலையில், மார்க்சிஸ்ட் கம்யூனிஸ்ட் கட்சியின், அதிகாரபூர்வ சங்கமான BSNLEU சங்கத்தின் முழு செல்வாக்கு பெற்றுள்ள கேரளத்தில்தான் இந்த உடன்பாடு போடப்பட்டுள்ளது. 

     அதிகாரமும், அங்கீகாரமும் உள்ள BSNLEU பொதுச் செயலர் தோழர் நம்பூதிரி அவர்களின் கையொப்பத்துடன் வெளிவந்த JAC தீர்மானம் தற்போது  நமது நினைவுக்கு வந்து தொலைக்கிறது. 
     " அனைத்து மத்திய, மாநில அரசு நிறுவனங்கள், பொதுத்துறை நிறுவனங்கள் BSNL சேவைகளையே பயன்படுத்த உரிய நடவடிக்கைகள் எடுக்கப்பட வேண்டும் ".       இது தீர்மானம்.      
      
      கேரள காம்ரேடுகளின் தொலைத் தொடர்புச் சேவை பார்ட்னர் ரிலையன்ஸ்.      இது நடைமுறை!

     என்ன தோழர்களே!   எங்கேயோ இடிக்கிறதா?

    " அவர்கள் " போடும் கோஷங்களை அதன் முன்னணித் தோழர்கள் நன்றாகவே புரிந்து கொண்டிருக்கிறார்கள்.  

" புரட்சி செய்  -  வேலை செய்யாதே " 

படிப்பது வேறு -  இடிப்பது வேறு 

என்று இவர்கள் போடும் வேஷங்களை, இதுவரை புரிந்து கொள்ளாதவர்கள் இப்பொழுது புரிந்து கொண்டுவிட்டார்கள்.  இன்னும் புரிய வைப்போம்!!

அன்புடன்,
  S. சிவசிதம்பரம், பட்டுக்கோட்டை. 








 

1 comment:

  1. WELLDONE COMRADE,REALLY YOU ARE DOING A WONDERFUL JOB.
    WITH REARDS...
    K.NATRAJAN (TNJ)

    ReplyDelete

செய்திகள்

NATIONAL FEDERATION OF TELECOM EMPLOYEES THANJAVUR